पुणे आणि पिंपरी-चिंचवडमध्ये विषारी दारू प्यायल्याने सोळा जणांचा मृत्यू झाला आहे. मुख्यमंत्री फडणवीस यांनी या घटनेला हत्या म्हटले असून सीआयडी चौकशीचे आदेश दिले आहेत. या प्रकरणी नऊ पोलीस अधिकाऱ्यांना निलंबित करण्यात आले आहे.

पुणे विषारी दारू प्रकरणाचा तपास सीआयडीकडे सोपवण्यात आला

पुणे आणि पिंपरी-चिंचवड परिसरात विषारी दारूमुळे झालेल्या मृत्यूंच्या घटनांनी संपूर्ण महाराष्ट्र हादरला आहे. दापोडी, फुगेवाडी, हडपसर आणि काळेपळ परिसरात विषारी दारू प्यायल्याने १६ जणांचा मृत्यू झाला असून, अनेक जण विविध रुग्णालयांमध्ये मृत्यूशी झुंज देत आहेत. मुख्यमंत्री देवेंद्र फडणवीस यांनी पुणे आणि पिंपरी-चिंचवड पोलीस आयुक्तांना दोषींवर कठोर कारवाई करण्याचे निर्देश दिले आहेत.

फुगेवाडी (पिंपरी-चिंचवड) विषारी दारूकांडातील ४ मुख्य आरोपींना ८ जून पर्यंत पोलीस कोठडी

पुण्यात भेसळयुक्त दारूच्या सेवनाने झालेल्या मृत्यू प्रकरणी पोलीस विभागाने कठोर कारवाई केली आहे. पुणे पोलीस आयुक्त अमितेश कुमार आणि पिंपरी चिंचवड पोलीस आयुक्त विनय कुमार चौबे यांनी संयुक्तपणे नऊ पोलीस अधिकाऱ्यांना निलंबित केले आहे. अवैध दारू व्यापाराविरोधात प्रभावी कारवाई करण्यात अपयश आणि कर्तव्यात निष्काळजीपणा केल्याचा आरोप या अधिकाऱ्यांवर आहे.

पुणे विषारी दारू प्रकरणाचा तपास सीआयडीकडे सोपवण्यात आला

पुणे पोलीस आयुक्त अमितेश कुमार यांनी वरिष्ठ पोलीस निरीक्षक संजय मोगले, सहायक पोलीस निरीक्षक हसीना सिकलागर आणि पोलीस उपनिरीक्षक हसन मुलानी यांना निलंबित केले आहे. पिपरी चिंचवड पोलीस आयुक्त विनय कुमार चौबे यांनी सहा पोलीस अधिकाऱ्यांना निलंबित केले आहे.पोलीस विभागाकडून मिळालेल्या माहितीनुसार, या प्रकरणातील मुख्य आरोपी, स्थानिक दारू विक्रेता योगेश वानखेडे याला अटक करण्यात आली आहे. त्याच्यासोबत आतापर्यंत एकूण आठ जणांना अटक करण्यात आली आहे.