ரஷ்யா தனது முதன்மை இலக்கு பட்டியியலில், பிரான்சின் Nuclear Umbrella திட்டம் வைக்கப்படும் என எச்சரித்துள்ளது.

ஐரோப்பாவின் மீது Nuclear Umbrella என அழைக்கப்படும் அணு ஆயுத பாதுகாப்பை அமைக்கும் திட்டத்தை பிரான்ஸ் முயற்சித்து வருகிறது.

இயேசு சிலையை தாக்கிய சிப்பாய்., விசாரணை தொடங்கிய இஸ்ரேல் இராணுவம்

இந்நிலையில், எதிர்காலத்தில் கடுமையான மோதல்கள் ஏற்பட்டால், ரஷ்யாவின் முதன்மை இலக்குப் பட்டியலில் பிரான்சின் அணு குடை சேர்க்கப்படும் என ரஷ்ய துணை வெளிவிவகார அமைச்சர் அலெக்சாண்டர் குருஷ்கோ எச்சரித்துள்ளார்.

பத்திரிக்கை ஒன்றிற்கு அளித்த பேட்டியில், "பிரான்ஸ் தனது அணு ஆயுதங்களை அணு சக்தி இல்லாத மற்ற ஐரோப்பிய நாடுகளில் நிறுவும் வாய்ப்பு குறித்து எங்கள் இராணுவம் தீவிர கவனம் செலுத்த வேண்டிய நிலை உள்ளது. இது எங்கள் பாதுகாப்பு திட்டங்களில் முக்கியமானதாக கருதப்படும்," என்று அவர் தெரிவித்துள்ளார்.

மார்ச் மாத தொடக்கத்தில், பிரான்ஸ் ஜனாதிபதி இம்மானுவேல் மேக்ரான், பிரான்சின் அணு ஆயுதங்களை அதிகரிக்கும் திட்டத்தையும், ஐரோப்பிய கூட்டாளிகளுடன் தடுப்பு ஒத்துழைப்பை விரிவுபடுத்தும் முயற்சியையும் அறிவித்திருந்தார்.