e-gates வசதி

இந்த ஒப்பந்தத்தின் மூலம் பிரித்தானிய குடிமக்கள் சுவிட்சர்லாந்து விமான நிலையங்களில் e-gates பயன்படுத்தி விரைவாகச் செல்லும் வசதி பெறுகின்றனர்.

முதலில் சூரிக் விமான நிலையத்தில் இந்த சேவை தொடங்கப்பட உள்ளது. பின்னர் ஜெனீவா மற்றும் பாசல் விமான நிலையங்களிலும் விரைவில் அறிமுகப்படுத்தப்படும்.

ரோமிங் கட்டணங்கள் நீக்கம்

இந்த ஒப்பந்தத்தின் முக்கிய அம்சமாக, மொபைல் ரோமிங் கட்டணங்கள் முழுமையாக நீக்கப்படுகின்றன. இதனால் சுற்றுலா பயணிகள் மற்றும் தொழில்முனைவோர் சுவிட்சர்லாந்தில் தங்கள் மொபைல் போன்களை கூடுதல் செலவில்லாமல் பயன்படுத்த முடியும்.

பிரித்தானிய பிரதமர் கெய்ர் ஸ்டார்மர் இந்த ஒப்பந்தத்தை தனது ஆட்சிக் காலத்தின் முக்கிய சாதனைகளில் ஒன்றாகக் குறிப்பிட்டுள்ளார்.

அவர் கூறியதாவது: "இந்த ஒப்பந்தம் தொழில்முனைவோருக்கும் சுற்றுலா பயணிகளுக்கும் வாழ்க்கையை எளிதாக்கும். மேலும், பிரித்தானிய நிறுவனங்கள் தங்கள் சேவைகளை சுவிட்சர்லாந்தில் எளிதாக வழங்கும் வாய்ப்பு கிடைக்கும்."

ஏவுகணை உற்பத்தியில் தனியார் நிறுவனங்களுக்கு அனுமதி- இந்திய அரசு முடிவு

வர்த்தகம் அதிகரிக்கும்

இந்த ஒப்பந்தத்தின் மூலம், 5.2 பில்லியன் பவுண்டு மதிப்பிலான சேவைகள் வர்த்தகம் நீண்ட காலத்தில் அதிகரிக்கும் என எதிர்பார்க்கப்படுகிறது.

சுவிட்சர்லாந்து, பிரித்தானியாவின் ஆறாவது பெரிய சேவை சந்தை ஆகும். ஆண்டுதோறும் சுமார் 8 லட்சம் பிரித்தானிய குடிமக்கள் சுவிட்சர்லாந்துக்கு பயணம் செய்கின்றனர்.

மேலும், வழக்கறிஞர்கள், கணக்காளர்கள், கட்டிடக் கலைஞர்கள் போன்ற தொழில்முனைவோர் 90 நாட்கள் வரை வேலை அனுமதி இல்லாமல் சேவைகளை வழங்கும் சலுகையும் இந்த ஒப்பந்தத்தில் அடங்கியுள்ளது.

இந்த ஒப்பந்தம், இரு நாடுகளுக்கிடையேயான உறவுகளை வலுப்படுத்துவதோடு, பயணிகளுக்கும் தொழில்முனைவோருக்கும் புதிய வாய்ப்புகளை உருவாக்கும் என எதிர்பார்க்கப்படுகிறது.

Chrome உபயோகிப்பவர்கள் கவனமாக இருக்க வேண்டும்- இந்திய அரசு எச்சரிக்கை