கோடைக்காலத்தில் பொதுவாகவே தோல் நோய்களின் தாக்கம் அதிகமாக இருக்கும். அவற்றில் பரவலாக பலரையும் பாதிக்கக்கூடியது வியர்க்குரு.

சில வேளைகளில் அவை கொப்புளங்களாக காணப்படும்போது, கோடைக் கொப்புளம் என்றும், கட்டிபோல் காணப்படும்போது, கோடைக்கட்டி அல்லது வேனிற்கட்டி என்றும் சொல்லப்படுகிறது. பாலின பேதமின்றி, வயது வரம்பின்றி அனைவரையும் பாதிக்கக்கூடிய இந்த வேனிற்கட்டிகள் சீக்கிரம் குணமாக எளிய தீர்வுகள் இதோ…

அந்திமல்லி இலை, ஆமணக்கு இலை, முடக்கத்தான் இலை… இவற்றுள் ஏதாவது ஒன்றை ஆமணக்கு எண்ணெயில் வதக்கி மேலே வைத்துக் கட்ட, கட்டிகள் சீக்கிரம் உடையும்.

கடுகை அரைத்துத் தடவலாம்.

நாட்டு மருந்துக்கடைகளில் கிடைக்கும் காக்கைக் கொல்லி விதையைப் பொடித்து தேங்காய் எண்ணெயில் கலந்து தடவலாம்.

முக்கியமாக, வேனிற்கட்டிகள் உடைந்த பிறகு புண் ஆற்றும் மருந்துகளைப் பயன்படுத்த வேண்டும்.

இந்த வேனிற்கட்டிகள் வராமல் இருக்க…

இறுக்கமான ஆடைகள் அணிவதைத் தவிர்க்க வேண்டும்.

ஆபரணங்களையும் முடிந்தவரை தவிர்க்கலாம்.

தவிர்க்க முடியாத காரணங்களைத் தவிர வெயிலில் செல்ல வேண்டாம்.