கலைஞர் 101வது பிறந்த நாள்!

மறைந்த முன்னாள் முதல்வர் கலைஞரின் 101வது பிறந்த நாள் இன்று (ஜூன் 3) தமிழகம் முழுவதும் கொண்டாடப்படுகிறது.

கருணாநிதி நினைவிடத்தில் ஸ்டாலின் மரியாதை!

கலைஞரின் 101வது பிறந்தநாளை முன்னிட்டு திமுக தலைவரும், தமிழக முதல்வருமான மு.க.ஸ்டாலின் இன்று காலை 9 மணிக்கு சென்னை மெரினா கடற்கரையில் உள்ள கருணாநிதி நினைவிடத்தில் மரியாதை செலுத்துகிறார்.

ராணுவம், போலீசார் குவிப்பு!

தேர்தல் வாக்கு எண்ணிக்கை பாதுகாப்பு பணிக்காக, 15 கம்பெனி துணை ராணுவ படையினர் மற்றும் தமிழகம் முழுவதும் 1 லட்சம் போலீஸார் குவிக்கப்பட்டுள்ளனர்.

10 மாவட்டங்களில் மழை!

காஞ்சிபுரம், ராணிப்பேட்டை, திருவண்ணாமலை, ராமநாதபுரம், நாகப்பட்டினம், மயிலாடுதுறை, திருவாரூர், தஞ்சாவூர், கன்னியாகுமரி, காரைக்கால் ஆகிய மாவட்டங்களில் இன்று லேசான மழைக்கு வாய்ப்பு உள்ளதாக சென்னை மண்டல வானிலை ஆய்வு மையம் தெரிவித்து உள்ளது.

கால்நடை மருத்துவம் விண்ணப்பம்!

தமிழ்நாடு கால்நடை மருத்துவ அறிவியல் பல்கலைக்கழக இளநிலை பட்டப்படிப்புகளுக்கு மாணவர் சேர்க்கை காண விண்ணப்பங்களை பல்கலைக்கழக இணையத்தளம் https://adm.tanuvas.ac.in/மூலமாக பெற்று இன்று முதல் விண்ணப்பிக்கலாம்.

டி.டி.எப். வாசனுக்கு போலீசார் சம்மன்!

செல்போனில் பேசிய படி கார் ஓட்டிய வழக்கில் தன்னிடம் உள்ள ஆவணங்கள் மற்றும் செல்போனுடன் இன்று ஆஜராகுமாறு டி.டி.எப். வாசனுக்கு போலீசார் சம்மன் வழங்கியுள்ளனர்.

'காதலிக்க நேரமில்லை' - வீடியோ ரிலீஸ்!

ஜெயம்ரவி மற்றும் நித்யா மேனன் நடிப்பில் உருவாகி இருக்கும் 'காதலிக்க நேரமில்லை' திரைப்படத்திலிருந்து புதிய கிளிம்ப்ஸ் வீடியோ இன்று வௌியாகிறது.