அதுவே அந்த கிரகங்களின் அளவாக எல்லா நட்சத்திரத்திலும் இருக்கும். அதாவது அனைத்து உபநட்சத்திரங்களின் அளவுகளை கூட்டினால் ஒரு நட்சத்திரத்தின் அளவான 13 டிகிரி 20 கலை என்று வந்து விடும்.

மேலே குறிப்பிட்டதைப்போல் ஒவ்வொரு நட்சத்திரத்திலும், அதன் பிரிவு முதல் பிரிவாகவும் அதைத்தொடர்ந்து நட்சத்திர வரிசையில் 9 கிரகங்களின் பிரிவுகளும் அடங்கும். இந்த 9 உபநட்சத்திர பிரிவுகளில் எந்த பிரிவில் குழந்தை பிறக்கிறதோ அதன் ஆதிக்கமேண அக்குழந்தையின் குண நலன்களை 60% தீர்மானிக்கும். உபநட்சத்திரம் என்பது ஒரு நட்சத்திரத்தில் அடங்கும் என்றாலும், மண்ணின் நிறம், குணம், நிலத்தில், இடத்திற்கு இடம் வேறுபடுவது போல், நட்சத்திரத்திற்குள்ளும், உபநட்சத்திரம் எந்த கிரகமாக (ஏதுவாக) உள்ளதோ, அந்த கிரகம் எந்த நட்சத்திரம், உபநட்சத்திரத்தில், உபஉப நட்சத்திரத்தில் உள்ளதோ அதன் குணங்களையும், பலன்களையே பெறும்.

எனவே ஒரு குழந்தை அந்த ராசியில் (30 டிகிரி) பிறந்தது என்பதனை விட, அந்த குழந்தை எந்த நட்சத்திரத்தில் (13 டிகிரி 20 கலை) பிறந்தது என்று கூறுவது சிறப்பு. அதைவிட அந்த குழந்தை அந்த நட்சத்திரத்தில் எந்த உப நட்சத்திரத்தில் உள்ளது என்று அறிவதே மிகவும் சிறந்தது.

இந்த உபநட்சத்திர அளவு மிகக்குறைந்த பாகை, கலை அளவில் உள்ளதால், இரண்டு நிமிட இடைவெளியில் பிறந்த இரட்டை குழந்தைகளின் வாழ்க்கை முறைகளை மிகவும் துல்லியமாக கணக்கிட முடியும். அதிலும் உப உப நட்சத்திர மிகவும் குறைந்த அளவான வினாடிகளில் மாறக்கூடியது என்பதால், இன்னும் துல்லியமான பலனை காண முடியும்.

இந்த ஜோதிட முறைப்படி இரண்டு நிமிட இடைவெளியில் பிறந்த இரட்டையரின் ஜாதகத்தில் உள்ள வாழ்க்கையின் வேறுபாட்டை மிகவும் துல்லியமாக வேறுபடுத்தி காட்ட முடியும்.

ஏனெனில் ஒரே நேரத்தில் பிறந்த இரட்டைக்குழந்தைகளின் ஜாதகத்தில், ராசி, லக்னம், கிரகங்களின் நிலைகள், நட்சத்திரம் ஆகியவை ஒன்றாகவே இருக்கும். அதனால் துல்லியமாக பிறந்த நேரத்தில் உள்ள உபநட்சத்திரம் மற்றும் அதிலும் குறுகிய உப உபநட்சத்திரம் இவைகளை கொண்டு, இரண்டு குழந்தைகளின் ஜாதகத்தையும் வேறுபடுத்திக்காட்ட முடியும். அப்படி சரியாக கணிக்க முடியும் என்றால், அனைவருக்குமே அந்த துல்லியம், மிகவும் சரியான பலன்களை கண்டறிய முடியும்.