ஜனன ஜாதகத்தில் உள்ள கிரகங்களின் அடிப்படையில் மற்றும் நிகழ்காலத்தில் நிகழக் கூடிய கிரக பயிற்சிகள் உள்ளிட்டவை நம்முடைய வாழ்க்கையை நகர்த்தக் கூடியதாக அமைகின்றன. அந்த விதத்தில் சிலருக்கு யோகமான கிரக அமைப்புகளுடன் கூடிய ஜாதகம் இருக்கும். சிலருக்கு சாதகமற்ற பலனை தரக்கூடிய விதத்தில் கிரகங்களின் அமைப்பு ஜாதகத்தில் இருக்கும். நவகிரகங்களை வழிபடாமல் அவற்றை இன்னும் கட்டுப்பாட்டில் வைக்கும் விதமாக நாம் எந்தெந்த பழக்கங்களை மேம்படுத்த வேண்டும் என இந்த பதிவில் தெரிந்து கொள்வோம்.

தினமும் அதிகாலையில் எழுந்து நாம் சூரியனை வழிபாடு செய்வதும், காயத்ரி மந்திரத்தை உச்சரித்து சூரியனுக்கு நீர் (அர்க்கியம்) விடுவது நல்லது. மேலும் தினமும் சூரிய நமஸ்காரம் யோகாவை செய்வது உங்களுடைய உடல் வலிமையை, ஆற்றலையும் அதிகரிக்கும். சோம்பேறித்தனத்தை விடுத்து எதிலும் தன்னம்பிக்கையுடன் செயல்படுவதன் மூலம் சூரிய கிரகத்தின் வலுவை நீங்கள் பெறுகிறீர்கள்.

ஜோதிடத்தில் சந்திரன் மனோகாரகன் என அழைக்கப்படுகிறார். இவர் ஒருவருடைய மன ஆரோக்கியத்தை தரக்கூடியவர். ஜாதகத்தில் சந்திரனை வலுப்படுத்த உங்களுடைய பெற்றோரை மதித்து அன்பு செலுத்தவும். மனதை அமைதியாக வைத்துக் கொள்ளும் தியானம், யோகா போன்றவற்றை செய்யவும். கோபத்தை கட்டுப்படுத்துங்கள். சரியான விதத்தில் சரியான அளவு ஆழ்ந்த உறக்கத்தை எடுத்துக் கொள்வது சந்திரனின் ஆற்றலை அதிகரிக்கும்.

அங்காரகன் என அழைக்கப்படும் செவ்வாய் கிரகங்களின் தளபதி என குறிப்பிடப்படுகிறது. வேறு ஒருவருக்கு ஆற்றல், வீரம், வேகத்தை தரக்கூடியவர். செவ்வாய் கிரகத்தை வலுப்படுத்த தினமும் உடற்பயிற்சி செய்வது அவசியம். ஒழுக்கத்தை கடைபிடிக்கவும். பணிகளை உரிய நேரத்தில் திட்டமிட்டு முடிக்க முயற்சிக்கவும். உங்களுடைய கடினமான உழைப்பு மற்றும் ஒழுக்கம் செவ்வாயின் அமைப்பை வளப்படுத்தும்.

உங்களுடைய ஜாதகத்தில் புதன் கிரகத்தை வலுப்படுத்த, தினமும் ஏதேனும் ஒரு சிறிய அளவிலாவது புதிய விஷயங்களை கற்றுக்கொள்ள முயலவும். புத்தகங்களை வாசியுங்கள். நீங்கள் பேசும்போது உங்களுடைய பேச்சில் நிதானத்தையும் சிந்தனையுடனும் அணுகுவது அவசியம். திறமையை வளர்த்துக் கொள்வதும், இனிமையான பேச்சின் அணுகுமுறை மூலமும் இந்தக் கிரகத்தை வலுப்படுத்தலாம்.

நவகிரகங்களில் முழு சுபர், அதாவது எப்பொழுதும் நன்மைகளை தரக்கூடியவர் என அழைக்கப்படும் வியாழன் கிரகம் ஒவ்வொருவருக்கும் மிகவும் முக்கியமானது. ஜாதகத்தில் குருவை வலுப்படுத்த ஆசிரியர்கள், பெற்றோர்களை மதித்து நடக்கவும். எப்பொழுதும் சரியான பாதையில் செல்ல முயற்சி செய்வது, நேர்மறையான சிந்தனையுடன் செயல்படுவது, கவனமான செயல் அணுகுமுறை ஆகிவை இந்த கிரகத்தை வலுப்படுத்தும்.
தினமும் குருவினுடைய காயத்ரி மந்திரத்தை உச்சரிக்கவும்.ஓம் விருஷபத் வஜாய வித்மஹேக்ருணி ஹஸ்தாய தீமஹிதந்நோ குருஹ் ப்ரசோதயாத்

ஜாதகத்தில் சுக்கிரனை வலுப்படுத்த நினைப்பவர்கள் தூய்மைக்கு மிகவும் முக்கியத்துவம் கொடுக்க வேண்டும். மேலும் உங்களுடைய உறவுகளை மதித்து நடக்கவும். கலையை ரசிக்கக் கற்றுக்கொள்ளுங்கள்.
மற்றவர்களிடம் கனிவாக நடந்து கொள்வதோடு, ஆடம்பரத்தை தவிர்த்து உங்களின் புறத்தோற்றத்தை சற்று மேம்படுத்த முயலவும். குறிப்பாக சேமிக்க முயலவும்.

ஜோதிடத்தில் கர்மகாரகன் என அழைக்கப்படக்கூடிய சனியை வலுப்படுத்த நேரத்தை மதியுங்கள். வேலையை கண்ட அஞ்சாமல் கடினமாக உழைக்க தவறாதீர்கள். தேவைப்படுவோருக்கு உதவுங்கள். எதிலும் நேர்மையாகவும், ஒழுக்கத்துடன் இருப்பதன் மூலம் உங்களுடைய ஜாதகத்தில் சனியின் ஆற்றலை வலுப்படுத்தலாம்.

சர்ப்ப கிரகங்களில் ஒன்றான ராகு உங்களுடைய ஜாதகத்தில் வலுப்படுத்த பொய் சொல்வதை தவிர்ப்பது மற்றும் தீய நட்பில் இருந்து விலகி இருப்பது அவசியம். உங்களுடைய இலக்குகளை அடைய நினைப்பவர்கள் அதிலிருந்து கவனம் சிதறாமல் பார்த்துக் கொள்ளவும். தேவையற்ற கற்பனை மற்றும் மாயம், மயக்கங்களை தவிர்க்கவும்.

ஒரு ஜாதகத்தில் கேதுவையும் வலுப்படுத்த அலங்காரத்தை தவிர்க்கவும். மற்றவர்களின் உணர்வுகளுக்கு மதிப்பளித்த செயல்படவும். பேச்சில் இனிமையை கடைபிடிக்கவும். குறிப்பாக உங்களுடைய வாழ்க்கை முறையை எளிமையாக வைத்துக் கொள்ளவும்.

பொறுப்புத் துறப்பு: இந்தக் கட்டுரையில் உள்ள தகவல்கள் அனைத்தும் முற்றிலும் உண்மையானவை அல்லது துல்லியமானவை என்று நாங்கள் கூறவில்லை. விரிவான தகவல்களுக்கு, தயவுசெய்து தொடர்புடைய நிபுணரை அணுகவும்.