அதே சமயம் அந்த குழந்தையின் தசை மற்றும் அதன் புத்தியை எப்படி கணக்கிடப்படுகிறது. எந்தளவிற்கு துல்லியமாக கேபி ஜோதிடத்தில் கணிக்கப்படுகிறது என்பதை ஜோதிட ஆச்சார்யா திருமதி V. வெண்ணிலா அவர்கள் விளக்கியுள்ளார்.

புத்தி என்பது தான் ஒரு நட்சத்திரத்தின் உப பிரிவான உப நட்சத்திரம் ஆகும். அதாவது ஒவ்வொரு நட்சத்திரத்திலும் மற்ற எட்டு நட்சத்திரத்திற்கும் பங்கு உள்ளது. எனவேதான் ஒரு குறிப்பிட்ட தசையில் (நட்சத்திரத்தில்) குழந்தை பிறந்தாலும் அது நட்சத்திரம் அல்லது தசையின் ஆரம்ப பகுதியில் அமைந்தால், அந்த குழந்தை குறிப்பிட்ட தசையில் சுய புத்தியில் பிறந்துள்ளது என்றும், டிகிரி அளவுகளில் தள்ளி பிறந்தால் அதற்கு ஏற்றவாறு புத்திகள் மாறி வருகிறது.
போன பதிவில் ஒவ்வொரு கிரகங்களின் உப நட்சத்திர அளவுகளை அட்டவணையாக பதிவிட்டிருந்தேன். அதே அளவுகளில் தான் புத்தியையும் பிரிக்கின்றோம்.

உதாரணமாக ஒரு குழந்தை அஸ்வினி நட்சத்திரத்தில் பிறக்கின்றது என்று வைத்துக் கொள்வோம். அக்குழந்தைக்கு முதல் தசை கேது தசையாகும்.

எல்லா நட்சத்திரங்களும் ஒரே அளவான 13°20' தான். ஆனால் உப நட்சத்திரம் மாறுபடுகிறது.
இந்த கேதுவின் நட்சத்திரத்தில் முதல் பகுதி கேதுவின் பகுதியாகும். கேதுவின் நட்சத்திரத்தில் கேதுவின் உப நட்சத்திரத்தின் அளவு 0°46'40". இந்த பகுதியில் சந்திரன் இருக்கும் போது குழந்தை பிறந்தால், கேது தசை கேது புத்தியில் குழந்தை பிறந்ததாக கருதப்படும்.
அதே நேரத்தில் 3°30' ல் குழந்தை பிறந்தால் அக்குழந்தை கேது தசை சூரிய புத்தியில் பிறந்துள்ளது என்றும் , 4° 00' ல் குழந்தை பிறந்தால் கேது தசை சந்திர புத்தியில் பிறந்ததாக கருதப்படும்.
இதேபோல் சந்திரன் வேறு நட்சத்திரத்தில் பயணத்தில் அந்த கிரகத்தின் முதல் தசை தொடங்கும், முதல் பிரிவு அதே நட்சத்திர பிரவு அல்லது புத்தியாக இருக்கும்.த வரிசை என்பது விம்ஷோத்தரி தசா வரிசையின் அடிப்படையில் அமையும்.

அளவுகளை degree,minute, second என்று அளவிடுகிறோம் .

இவ்வாறு சந்திரன் பயணிக்கும் தசா புத்தி அளவுகளை மட்டுமே இதுவரை கணக்கிட்டு வந்தோம். காரணம் கணினி இல்லாத காலத்தில் தசா புத்தி கணக்கீடுகளை செய்வதற்கே 3 மணிநேரம் தேவைப்படும். எனவே 8 நட்சத்திரங்கள் மற்றும் 12 பாவங்களுக்கும் இதேபோல் கணக்கிடுவது இயலாத காரியமாகும். எனவே நமது முன்னோர்கள் தசா புத்தியை மட்டுமே பிரித்தார்கள்.

இதனால் மற்ற கிரகங்களின் துல்லியமான நிலைகள், அதேபோல் 12 பாவங்களின் துல்லியமான நிலைகள் கண்டறியப்படாமல் பலன்கள் சொல்லப்பட்டது. இதனால் முழுமையான பலன்களை எடுப்பது கடினம். ஒரு கிரகம் பொருளாதாரத்தை தருமா? அல்லது கேளிக்கை ஆரோக்கியத்தை மட்டுமே தருமா? அல்லது பிரச்சனைகளையும், நோய்களையும் தருமா? என்று கண்டறிய முடியாது.

குரு, புதன், சுக்கிரன் தசைகள் வந்தாலே யோகம், மிகவும் நன்மை தரும் என்று சுப கிரகங்களாக இவைகளை நினைத்து பலன்களை கூறுவார்கள். செவ்வாய் தசை யாருக்கு வந்தாலும் நிறைய வீடு சொத்துக்கள் அமையும் என்று பொதுவாக சொல்லுவார்கள்.

இதெல்லாம் நிச்சயமாக அனைவருக்கும் சரியாக இருக்காது. சந்திரனை எவ்வாறு கணித்தோமோ அதேபோல் மற்ற கிரகங்கள் எந்த நட்சத்திரத்தில் அதிலும் எந்த உப பிரிவில் உள்ளது என்று பார்க்க வேண்டும். அதேபோல் 12 பாவ ஆரம்ப முனைகளும் எந்த நட்சத்திரத்தில் அதிலும் எந்த உப பிரிவில் அமைந்துள்ளது என்று பார்க்க வேண்டும்.

நட்சத்திரத்தின் உட்பிரிவான உபநட்சத்திரம், பலன் கூறுவதில் அந்த ஜாதகத்திற்கு தனி தன்மையை நிர்ணயம் செய்ய முக்கி பங்கு வகிக்கும். அதாவது ஒரு நட்சத்திரத்தில் (13° 20') ஒரு சில பகுதிகளில் பிறந்தால் நன்மையும், சில பகுதிகள் தீமையும், வேறுசில பகுதிகளில்
நடுநிலை பலன்களே குறிப்பிட்ட ஒரு செயலுக்கு அமையும். ஏன்னெனில், ஒரு நட்சத்திரத்தின் முழு பகுதியும் ஒரே தன்மையான பலன்களை தருவதில்லை. எனவே ஒரு கிரகம் ராசி மண்டலத்தில் ஒரு குறிப்பிட்ட இடத்தில் உள்ளது என்பதை...
அந்த கிரகம் ஒரு குறிப்பிட்ட ராசியில் உள்ளது என்று கூறுவதை விட, அந்த ராசியில் எந்த நட்சத்திரத்தில் உள்ளது என்று கூறுவதே சிறந்தது. அதை விட அந்த கிரகம், ஒரு குறிப்பிட்ட நட்சத்திரத்தில் உள்ள எந்த உபநட்சத்திரத்தில் உள்ளது என்று அறிவதே மிகவும் சிறந்தது.