வினிகரில் உள்ள அசிட்டிக் அமிலம் சுத்தப்படுத்துவதற்கும், துர்நாற்றத்தை நடுநிலையாக்குவதற்கும் பெயர் பெற்ற கலவை ஆகும். அது வியர்வை, சிறுநீர் மற்றும் சில உணவுகளில் காணப்படும் 'அம்மோனியா' போன்ற காரத்தன்மை கொண்ட நாற்றங்களை எளிதாக நடுநிலையாக்கிறது.

​University of Arkansas Cooperative Extension Service வெளியிட்டுள்ள Clean and Green இதழில் வீட்டு பராமரிப்பு மற்றும் துர்நாற்றத்தை நீக்கும் பணிக்கு பேக்கிங் சோடா மற்றும் வினிகர் சிறந்தது என குறிப்பிடப்பட்டுள்ளது.

துர்நாற்றத்தை நீக்கவும், தாதுப் படிமங்களை நீக்கவும், பிசுபிசுப்பான எண்ணெய் கரைகளை அகற்றவும், பாக்டீரியாவை குறைக்கவும் வினிகர் உதவுவதாக தெரிவிக்கப்பட்டுள்ளது.

• ஒரு பவுலில் அரை கப் வினிகரை நிரப்பி, வீட்டின் லிவ்விங் ரூம் அல்லது பெட்ரூமில் வைக்க வேண்டும்
• அதனை இரவு முழுவதும் குறைந்தது 6 முதல் 8 மணி நேரம் வைக்க வேண்டும்
• பிறகு காலையில் அப்புறப்படுத்த வேண்டும்

இந்த டிரிக் சமையல் வாசனை, புகை வாசனை, செல்லப்பிராணி வாசனை, காற்றோட்டம் இல்லாத அறையால் இருக்கும் வாசனை, பாத்ரூம் நாற்றம் போன்றவற்றை நீக்க பயனுள்ளதாக இருக்கும். வாசனை வரும் அறையின் ஒரு மூலையில் சில மணிநேரம் வைக்க செய்யலாம்

​நேஷனல் லைப்ரரி ஆஃப் மெடிசினில் வெளியான ஆய்வின்படி, ஃஏர் பிரஷன்ர் போன்ற நறுமண தயாரிப்புகளில் Volatile Organic Compounds இருப்பதால், சுவாச பிரச்சனைகள் போன்ற உடல்நல பாதிப்புகள் ஏற்படுத்தலாம் என்பது உறுதி செய்யப்பட்டுள்ளது.

எனவே, ஒரு துளி கூட ரசாயனம் இல்லாத வினிகர் பவுல் ட்ரிக், துர்நாற்றத்தை நீக்கும் பாதுகாப்பான தீர்வாக கருதப்படுகிறது.

• நல்ல மணம் வீசு சில சொட்டுக்கள் எலுமிச்சை சாறு அல்லது லாவெண்டர் எண்ணெய் சேர்க்க செய்யலாம். அது புத்துணர்ச்சியை அளிக்கும்
• ஜன்னலை திறந்துவைப்பது காற்றோட்டத்தை மேம்படுத்தும்
• வலுவான நாற்றம் அடித்தால் ஒரே அறையில் 2 அல்லது 3 வினிகர் பவுலும் வைக்கலாம்
• வினிகருடன் தண்ணீர் கலந்து வீட்டிலேயே ஹோம் மேட் ஏர் ஃப்ரஷ்னர் தயாரிக்க செய்யலாம். ஆனால், மார்பிள், கிரானைட் போன்ற மேற்பரப்பில் பயன்படுத்துவதை தவிர்க்கவும்

இனிமேல் வீட்டில் துர்நாற்றம் அடித்தால் கடைக்கு செல்வதற்கு பதிலாக கிச்சனில் இருக்கும் வினிகரை பயன்படுத்தலாம். விலை மலிவான மற்றும் சுற்றுச்சூழலுக்கு பாதிப்பை ஏற்படுத்தாத இயற்கை தீர்வாகும்