అమెరికా ఆరోగ్య శాఖ మంత్రి రాబర్ట్ ఎఫ్.కెన్నడీ జూనియర్ మరోసారి తన అత్యుత్సాహంతో వార్తల్లో నిలిచారు. పాములను ఒట్టిచేతులతో పట్టుకున్నారు. వాటిని చేతుల్లోకి తీసుకునేందుకు ప్రయత్నిస్తుండగా ఒక పాము ఆయన చేతిపై కాటేసింది.

అయితే ఆ పాము విషపూరితమైనది కాకపోవడంతో ప్రమాదం తప్పింది. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది (RFK Jr snake video).

ఫ్లోరిడాలోని ప్రముఖ డాక్టర్ ఓజ్ ఇంట్లోకి రెండు బ్లాక్ రేసర్ సర్పాలు ప్రవేశించాయి. వాటిని పట్టుకునేందుకు కెన్నడీ అక్కడకు వెళ్లారు. రెండింటినీ రెండు చేతులతో పట్టుకున్నారు. ఆ సమయంలో ఒక పాము పైకి లేచి కెన్నడీ ఎడమ చేతిని కరిచింది. దీంతో అక్కడ ఉన్నవారు షాకయ్యారు. అయితే కెన్నడీ మాత్రం ఎలాంటి భయమూ లేకుండా పాములను పట్టుకున్నారు (RFK Jr bitten by snake).