అయితే తాజాగా కోతి ప్రేమకు ఖుషీ అయిన చిన్నారి వీడియో ఒకటి నెట్టింట తెగ వైరల్ అవుతోంది. అచ్చం మనుషులు.. చిన్న పిల్లలను ఎలా ఆడిస్తారో అలాగే కోతి ఆడించింది. ఆ వీడియోలో ఏడాదికి కాస్త అటూ ఇటూగా వయస్సు ఉన్న చిన్నారి మంచంపై పడుకుని ఉంది. ఆ పక్కనే కోతి కూర్చొని ఉంది. ఆ చిన్నారిని కోతి ముద్దు చేస్తూ.. ఆడిస్తుంది. కోతిని చూసి చిన్నారి కాళ్లు, చేతులూ ఊపుతూ కేరింతలు కొడుతోంది.

కోతి తన తలను పదే పదే ఊపుతూ చిన్నారిని నవ్వించే ప్రయత్నం చేస్తోంది. అంతటితో ఆగకుండా మనుషుల తరహాలో ఆ చిన్నారి ఛాతీపై కోతి ముద్దు పెడుతోంది. కోతి ఇలా చేస్తున్నప్పుడు ఆ చిన్నారిలో ఏమాత్రం భయం కనిపించలేదు. చిన్నారి కాళ్లు చేతులు ఊపుతుంటే.. కోతి పరిశీలనగా గమనిస్తోంది. ఈ వీడియోను ashwin07282 అనే యూజర్ ఇన్‌స్టాగ్రామ్‌లో పోస్ట్ చేశారు. ఈ వీడియోను ఇప్పటి వరకు15 లక్షల మందికిపైగా వీక్షించి, లైక్‌లు చేశారు.

ఈ వీడియోపై నెటిజన్లు పెద్ద ఎత్తున స్పందిస్తున్నారు. నిజమైన, స్వచ్ఛమైన ప్రేమ, నమ్మకం అంటే ఏమిటో ఈ కోతి మనకు నేర్పిందని కామెంట్ చేశారు. ఈ రోజుల్లో ప్రజలు ఒకరికొకరు దూరమవుతున్నారు.. ప్రేమకు భాష, హద్దులు లేవని ఈ వీడియో నిరూపిస్తుందని తెలిపారు.