భారతీయుల సృజనాత్మకతకు, జుగాడ్ ఆలోచనలకు ప్రపంచవ్యాప్తంగా ప్రత్యేక గుర్తింపు ఉంది. క్లిష్టమైన సమస్యలకు తక్కువ ఖర్చుతో వినూత్న పరిష్కారాలు కనుగొనే భారతీయుల ప్రతిభను చూపించే మరో వీడియో ప్రస్తుతం సోషల్ మీడియాలో వైరల్గా మారింది.
ఈ వీడియోను చూసిన నెటిజన్లు 'ఇలాంటి ఆలోచన భారతీయులకే వస్తుంది' అంటూ ప్రశంసలు కురిపిస్తున్నారు (Mosquito net hack).
@vstechsolution అనే ఎక్స్ యూజర్ ఈ వీడియోను సోషల్ మీడియాలో పోస్ట్ చేశారు. వైరల్ అవుతున్న ఆ వీడియో ప్రకారం.. ఓ వ్యక్తి సాధారణ దోమతెరను వినూత్నంగా అమర్చి, తాను నిద్రించే ప్రదేశాన్ని దోమల నుంచి పూర్తి సురక్షితంగా మార్చుకున్నాడు. మంచాన్ని నేలపై రివర్స్లో పరిచి నాలుగు వైపులా దోమతెరను పూర్తిగా అమర్చాడు. ఆ తర్వాత లోపలికి వెళ్లి హాయిగా నిద్రపోయాడు. దోమల తెరను అమర్చే ఈ విలక్షణమైన పద్ధతి ఇప్పుడు వైరల్ అవుతోంది (Desi creative invention).
వేల మంది ఈ వీడియోను వీక్షించి ఈ ట్రిక్ను ప్రశంసించారు (Indian jugaad Video). 'ఇది నిజంగా గొప్ప ఆలోచన', 'దోమల సమస్య ఉన్న ప్రతి ఇంట్లోనూ ఇది ఉపయోగపడుతుంది', 'భారతీయుల సృజనాత్మకతకు ఇది మరో నిదర్శనం' అని చాలా మంది కామెంట్లు చేశారు.