అభిమానులు, సోషల్ మీడియాలో మాత్రమే బాబర్‌ను గొప్ప ఆటగాడిగా చూస్తున్నారని.. పాకిస్థాన్ క్రికెట్ చరిత్రలోని దిగ్గజాలతో అతడిని పోల్చలేమని వ్యాఖ్యానించాడు. ఇంగ్లండ్‌తో లార్డ్స్ వేదికగా జరిగిన రెండో టెస్టులో పాకిస్థాన్ ఓటమి అనంతరం బాసిత్ అలీ ఈ వ్యాఖ్యలు చేశాడు. 2026లో ఇప్పటివరకు ఎనిమిది టెస్టులు ఆడిన బాబర్ 322 పరుగులు మాత్రమే చేశాడు. అంతేకాదు.. టెస్టుల్లో సెంచరీ చేసి దాదాపు నాలుగేళ్లు కావడం గమనార్హం.

'గొప్ప ఆటగాళ్లుగా ఎవరూ ఊరికే మారిపోరు. నేను వేరే దేశాల ప్లేయర్ల గురించి కూడా మాట్లాడటం లేదు. నా దేశానికి చెందిన ఆటగాళ్ల గురించే చెబుతున్నాను. కష్ట సమయాల్లో జట్టుకు అండగా నిలవలేకపోతే గొప్ప ఆటగాడిగా ఉండి ఏం ప్రయోజనం? మీ అభిమానుల మధ్య, సోషల్ మీడియాలో మీరు గొప్ప ఆటగాడు కావచ్చు. కానీ మైదానంలో కాదు. ఇంకెప్పుడు చేస్తావు? అవును.. నేను బాబర్ ఆజమ్ గురించే మాట్లాడుతున్నా. అతడి పేరే చెబుతున్నా. టెస్టుల్లో సెంచరీ చేసి నాలుగేళ్లు గడిచిపోయింది. ఇంకెప్పుడు చేస్తావు? ఇది అత్యంత బాధ కలిగించే విషయం. మొత్తం దేశం నీ బ్యాటింగ్ మీద ఆధారపడుతున్నప్పుడు కనీసం అలాంటి షాట్ ఆడి ఔట్ కాకుండా ఉండాల్సింది' అని బాసిత్ మండిపడ్డాడు.

లార్డ్స్‌లో దారుణ ప్రదర్శన

ఇంగ్లండ్‌తో లార్డ్స్ టెస్టులో బాబర్ ఆజమ్ పూర్తిగా నిరాశపరిచాడు. గాయం కారణంగా లీడ్స్ టెస్టుకు దూరమైన అతడు.. లార్డ్స్‌లో వరుసగా 8, 6 పరుగులకే పెవిలియన్ చేరాడు. గతంలో ఇంగ్లండ్‌లో బాబర్‌కు మంచి రికార్డే ఉంది. రెండో టెస్టుకు ముందు అక్కడ ఆరు ఇన్నింగ్స్‌ల్లో 65.75 సగటుతో పరుగులు చేశాడు. మూడు అర్ధసెంచరీలు కూడా సాధించాడు. ఇంగ్లండ్‌పై మొత్తంగా 14 ఇన్నింగ్స్‌ల్లో 53.83 సగటు నమోదు చేసిన బాబర్.. రెండో టెస్టుకు ముందు ఆ ఏడు ఇన్నింగ్స్‌ల్లో కనీసం అర్ధసెంచరీ లేదా సెంచరీ సాధించాడు. అలాంటి రికార్డు ఉన్న బాబర్.. లార్డ్స్‌లో మాత్రం కీలక సమయంలో జట్టుకు అండగా నిలవలేకపోయాడు.

strong>

పదేళ్ల క్రితమే మెస్సి రిటైర్‌మెంట్.. రొనాల్డో రియాక్షన్ వైరల్!

14వేల పరుగులు కష్టపడకుండానే వచ్చాయా?.. విమర్శకులకు జో రూట్ కౌంటర్