దీంతో చాలామంది ఫాస్ట్ ఛార్జర్లను ఉపయోగిస్తుంటారు. అయితే కొంతకాలం తర్వాత ఫోన్ మునుపటిలా వేగంగా ఛార్జ్ కాకపోవచ్చు. ఇలాంటి సమయంలో కొన్ని సులభమైన జాగ్రత్తలు పాటిస్తే ఛార్జింగ్ వేగాన్ని మెరుగుపరచుకోవచ్చు.

ఎయిర్‌ప్లేన్ మోడ్ ఆన్ చేయండి

ఫోన్‌ను ఛార్జింగ్ పెట్టే సమయంలో ఎయిర్‌ప్లేన్ మోడ్ ఆన్ చేస్తే నెట్‌వర్క్, మొబైల్ డేటా వంటి కనెక్షన్లు నిలిచిపోతాయి. దీంతో ఫోన్‌లో బ్యాక్‌గ్రౌండ్‌లో జరిగే కొన్ని కార్యకలాపాలు తగ్గి బ్యాటరీ వినియోగం కూడా తగ్గుతుంది. ఫలితంగా ఛార్జింగ్ కొంత వేగంగా పూర్తయ్యే అవకాశం ఉంటుంది.

సరైన ఛార్జర్, కేబుల్ ఉపయోగించండి

ఫోన్‌తో వచ్చిన లేదా ఆ ఫోన్‌కు అనుకూలంగా ఉండే నాణ్యమైన ఛార్జర్, కేబుల్‌ను ఉపయోగించడం మంచిది. నాణ్యత లేని లేదా నకిలీ ఛార్జర్లను ఉపయోగించడం వల్ల ఛార్జింగ్ పనితీరు తగ్గడమే కాకుండా బ్యాటరీకి కూడా ఇబ్బందులు రావచ్చు. అందుకే ఫోన్ తయారీ సంస్థ సూచించిన ఛార్జర్‌ను ఉపయోగించడం ఉత్తమం.

ఛార్జింగ్ సమయంలో ఫోన్ వాడకండి

ఫోన్ ఛార్జింగ్‌లో ఉన్నప్పుడు గేమ్స్ ఆడటం, వీడియోలు చూడటం లేదా ఇతర యాప్‌లను ఎక్కువగా ఉపయోగించడం వల్ల బ్యాటరీ వినియోగం పెరుగుతుంది. దీంతో ఛార్జింగ్ పూర్తవడానికి ఎక్కువ సమయం పట్టవచ్చు. కాబట్టి వీలైనంత వరకు ఛార్జింగ్ సమయంలో ఫోన్‌ను పక్కన పెట్టడం మంచిది. అవసరం లేకపోతే బ్లూటూత్, మొబైల్ డేటా వంటి కనెక్షన్లను కూడా ఆఫ్ చేయవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

గ్యాస్‌, గుండెపోటు మధ్య తేడా ఏంటి? ఈ విషయాలు తెలుసుకోండి

నిద్రలో చెమటలు పడుతున్నాయా? కారణం ఇదే కావచ్చు!