ఈ విషయమై లారెన్స్ స్పందిస్తూ.. జూన్ 11న తన నిర్ణయం వెల్లడిస్తానని తొలుత చెప్పారు. అయితే.. ఆ రోజు సమీపిస్తున్న తరుణంలో తాజాగా.. ఆయన తన నిర్ణయాన్ని వాయిదా వేసుకున్నారు. మరుసటి రోజు అనగా ఈ నెల 12న(శుక్రవారం) ఉదయం 10:00 గంటలకు తన నిర్ణయాన్ని వెల్లడించనున్నట్లు ఎక్స్‌లో పోస్ట్ చేశారు.

'అందరికీ నమస్కారం! జూన్ 11న ఉదయం 9:30 గంటలకు నా జీవితంలో ఓ ముఖ్యమైన నిర్ణయాన్ని ప్రకటించబోతున్నట్లు నేను గతంలో చెప్పాను. ప్రస్తుతం చిత్ర పరిశ్రమ అంతా భారతీరాజా సర్ మరణంతో తీవ్ర విషాదంలో మునిగిపోయింది. నేను నా కుటుంబ సభ్యుడిని కోల్పోయినంత బాధతో ఉన్నాను. ఆయనపై ఉన్న గౌరవంతో, సినిమాకు ఆయన అందించిన సహకారానికి గుర్తుగా, నేను నా ప్రకటనను వాయిదా వేయాలని నిర్ణయించుకున్నాను. నా ఈ ప్రకటనను ఈ నెల 12న(శుక్రవారం) ఉదయం 10:00 గంటలకు తెలియజేస్తాను' అని లారెన్స్ పేర్కొన్నారు.