అంతర్జాతీయంగా కంటెంట్‌ క్రియేటర్లను ఆకర్షించేందుకు అడుగులు వేస్తోంది. ఇందులో భాగంగా ప్రతి 1,000 వ్యూస్‌కు సుమారు 0.70 డాలర్‌ (దాదాపు రూ.60) చెల్లించనున్నట్లు ప్రచారం జరుగుతోంది. అయితే ఈ చెల్లింపులపై బిలిబిలి అధికారికంగా ఎలాంటి ప్రకటన చేయలేదు.

ఈ విషయంపై సోషల్ మీడియాలో జోరుగా ప్రచారం జరుగుతోంది. యూట్యూబ్‌తో పోలిస్తే క్రియేటర్లకు మెరుగైన ఆదాయం అందించేందుకు బిలిబిలి ప్రయత్నిస్తోందనే చర్చ మొదలైంది. స్పానిష్‌ భాషా ఖాతా ఎల్‌ డుయి కూడా ఇదే విషయాన్ని ప్రస్తావిస్తూ బిలిబిలి ప్రతి 1,000 వ్యూస్‌కు సుమారు 0.70 డాలర్‌ చెల్లించనుందని తెలిపింది. ఈ వేదిక ఇప్పటికే 37 కోట్లకు పైగా నెలవారీ వినియోగదారులను కలిగి ఉందని పేర్కొంది. అంతర్జాతీయ క్రియేటర్ల కోసం మానిటైజేషన్‌ అవకాశాలను తెరుస్తోందని తెలిపింది. అంతర్జాతీయ వెర్షన్‌లో రిజిస్ట్రేషన్‌ ప్రక్రియను సులభతరం చేయడంతో పాటు.. తప్పనిసరి గుర్తింపు ధ్రువీకరణను తొలగించే అవకాశం ఉందని ఓ అంతర్జాతీయ కథనం పేర్కొంది. అలాగే, విదేశీ వినియోగదారులకు అనుగుణంగా స్థానిక కంటెంట్‌, ప్రత్యేక ఫీచర్లను అందించేందుకు సంస్థ సిద్ధమవుతున్నట్లు చెప్పుకొచ్చింది.