Actor Jiiva: నేడు తమిళనాడు అసెంబ్లీ ఎన్నికల ఫలితాలు విడుదలైన నేపథ్యంలో తమిళ రాజకీయాలతో పాటు, హాలీవుడ్, టాలీవుడ్ ఇండస్ట్రీలో ఈ విషయం హాట్ టాపిక్ గా మారింది.

సినీ ఇండస్ట్రీలో స్టార్ హీరోగా కొనసాగిన నటుడు విజయ్(Vijay) టీవీకే పార్టీ(TVK party)ని స్థాపించి రెండు సంవత్సరాలకే అసెంబ్లీ ఎన్నికలలో పోటీ చేశారు. ఈ విధంగా ఏప్రిల్ 24వ తేదీ తమిళనాడులో ఎన్నికలు జరిగాయి ఇక నేడు ఎన్నికల ఫలితాలు విడుదల అయ్యాయి. విజయ్ పోటీ చేసిన రెండు స్థానాలలో అద్భుతమైన విజయాన్ని అందుకున్నారు. అలాగే ఈయన 110 స్థానాలకు పైగా విజయం సాధించడంతో ప్రభుత్వాన్ని టీవీకే పార్టీ ఏర్పాటు చేయబోతోంది.

హీరో విజయ్ కు అభినందనలు వెల్లువ..

ఇలా పార్టీ స్థాపించిన రెండు సంవత్సరాలకే ప్రభుత్వం ఏర్పాటు చేయడం అంటే మామూలు విషయం కాదు. అప్పట్లో ఎన్టీఆర్, ఎంజీఆర్ వంటి గొప్ప మహానుభావులు ఈ విధమైనటువంటి విజయాన్ని సొంతం చేసుకున్నారు. ఇప్పుడు ఆ తరహాలోనే నటుడు విజయ్ పార్టీ పెట్టిన రెండేళ్లకే ముఖ్యమంత్రి హోదాలో ఉండబోతున్నారు. ఇక ఈయన రాజకీయాలలోకి రావడంతో ఎంతోమంది సినీ ప్రముఖుల నుంచి కూడా విజయ్ కు పూర్తిస్థాయిలో మద్దతు లభించింది. విజయ్ అద్భుతమైన విజయాన్ని సొంతం చేసుకోవడంతో టాలీవుడ్ ఇండస్ట్రీకి చెందిన సినీ ప్రముఖుల నుంచి కోలీవుడ్ ఇండస్ట్రీలో సెలబ్రిటీలు మొత్తం హీరో విజయ్ కు అభినందనలు తెలియజేస్తున్నారు.

హీరో జీవా ఎమోషనల్..

ఈ క్రమంలోనే నటుడు జీవా సైతం సోషల్ మీడియా వేదికగా హీరో విజయ్ విజయాన్ని పెద్ద ఎత్తున సెలెబ్రేట్ చేసుకున్నారు. విజయ్ ముందంజలో ఉన్న నేపథ్యంలో ఆయన విజయం ఖరారు అయింది ఈ నేపథ్యంలోనే జీవా తన సంతోషాన్ని వ్యక్తం చేస్తూ మేడ పైకి వెళ్లి గట్టిగా విజిల్స్ వేస్తూ తన సంతోషాన్ని వ్యక్తపరిచారు .అనంతరం విజయ్ మంచి మెజారిటీని సొంతం చేసుకోవడంతో కాస్త ఎమోషనల్ అవుతూ కన్నీళ్లు పెట్టుకున్నారు. ప్రస్తుతం ఈ వీడియో సోషల్ మీడియాలో వైరల్ అవుతుంది. విజయ్ ఎన్నికలలో మంచి విజయాన్ని అందుకోవడంతో ఆయన అభిమానులు పెద్ద ఎత్తున సంబరాలు చేసుకుంటున్నారు.