ఆయనతో పాటు నేషనల్ క్రష్ రశ్మిక మందన్న కూడా ఈ షోలో పాల్గొన్నారు. షోలో భాగంగా జరిగే ఫన్నీ గేమ్‌లో విజయ్ దేవరకొండ ఐకాన్ స్టార్ అల్లు అర్జున్‌ (Icon Star Allu Arjun)కి ఫోన్ చేయడం, వారి మధ్య జరిగిన సరదా సంభాషణకు సంబంధించిన వీడియో సోషల్ మీడియాలో వైరల్ అవుతోంది.

గేమ్ రూల్స్‌లో భాగంగా రాత్రి 11:40 సమయంలో సినీ ప్రముఖులకు ఫోన్ చేసి మాట్లాడాల్సి రాగా, విజయ్ దేవరకొండ ఏమాత్రం తడుముకోకుండా బన్నీకి కాల్ చేశారు. ఈ సందర్భంగా విజయ్ మాట్లాడుతూ.. ''బన్నీ అన్నా.. వీళ్ళకి టైం సందర్భం ఏమీ లేదు. 11:40కి ఎవరికైనా కాల్ చేయమంటున్నారు. ఈ టైంలో కాల్ చేస్తే నన్ను తిట్టకుండా ఎవరు మాట్లాడుతారా? ఇండస్ట్రీలో నన్ను అంతగా ప్రేమించే వాళ్ళు ఎవరున్నారా? అని ఆలోచిస్తే నాకు వెంటనే గుర్తొచ్చింది నువ్వే అన్నా. ఆ చనువుతోనే కాల్ చేశా'' అంటూ సరదాగా చెప్పుకొచ్చారు. విజయ్ ఫోన్ చేయగానే అల్లు అర్జున్ వెంటనే కాల్ లిఫ్ట్ చేసి మాట్లాడారు. అనంతరం కరణ్ జోహార్ ఫోన్ తీసుకొని.. గేమ్‌లో విజయ్‌కి పాయింట్లు రావాలంటే 'హే కరణ్, ఇట్స్ మీ' అని చెప్పాలని బన్నీని కోరారు. దానికి అల్లు అర్జున్ ఏమాత్రం మొహమాటపడకుండా నవ్వుతూ ఆ డైలాగ్ చెప్పడంతో విజయ్‌కి పూర్తి పాయింట్లు దక్కాయి.