మెగాస్టార్ చిరంజీవి (Megastar Chiranjeevi), బాబీ (Bobby) కాంబినేషన్‌లో 'వాల్తేరు వీరయ్య' తర్వాత మరోసారి రూపుదిద్దుకోబోతోన్న చిత్రం, గురువారం హైదరాబాద్‌లో గ్రాండ్‌గా ప్రారంభోత్సవం జరుపుకుంది.

ఈ కార్యక్రమానికి ఏపీ డిప్యూటీ సీఎం, పవర్ స్టార్ పవన్ కళ్యాణ్‌ (Pawan Kalyan)తో పాటు మెగా పవర్ స్టార్ రామ్ చరణ్ (Ram Charan) ముఖ్య అతిథులుగా హాజరవుతారని మేకర్స్ ప్రకటించారు. కానీ, ఈ వేడుకకు రామ్ చరణ్ హాజరు కాలేదు కానీ, పవన్ కళ్యాణ్ హాజరై.. ముహూర్తపు షాట్‌కు క్లాప్ కొట్టారు. మెగా బ్రదర్స్ ముగ్గురూ ఈ వేడుకలో కలిసి కనిపించడంతో.. అభిమానులు ఆనందానికి అవధులు లేవంటే నమ్మాలి. రామ్ చరణ్ కూడా వచ్చి ఉంటే, వారి ఆనందం డబుల్ అయ్యేది. అయినా సరే, చిరు-పవన్ ఇద్దరూ ఈ వేడుకలో స్పెషల్ అట్రాక్షన్‌గా నిలిచారు.

'మెగా158' చిత్రాన్ని కెవిఎన్ ప్రొడక్షన్స్ (KVN Productions) సంస్థ అత్యంత ప్రతిష్టాత్మకంగా నిర్మించబోతోందనేది ఈ ప్రారంభోత్సవ వేడుక చూస్తుంటేనే అర్థమవుతోంది. ఈ వేడుకలో దర్శకుడు వివి వినాయక్ సమక్షంలో మెగా డాటర్ సుష్మిత కెమెరా స్విచ్ఛాన్ చేయగా.. నాగబాబు, బి. గోపాల్, కోదండ రామిరెడ్డి కలిసి స్క్రిప్ట్‌ను దర్శకుడు బాబీ, నిర్మాత వెంకట్ కె నారాయణలకు అందచేశారు. ఈ వేడుకకు సంబంధించిన విజువల్స్ ప్రస్తుతం సోషల్ మీడియాలో వైరల్ అవుతున్నాయి. ఇక ఈ వేడుక అనంతరం చిరంజీవి తన ఎక్స్ ఖాతా వేదికగా.. తన తమ్ముడు పవన్ కళ్యాణ్‌కు థ్యాంక్యూ చెప్పారు.