దేశవ్యాప్తంగా ఊహించని స్థాయిలో వ్యూస్, లైక్స్ సాధిస్తూ దూసుకెళ్తోంది. ట్రైలర్ విడుదలైన తొలి 24 గంటల్లోనే 100 మిలియన్ మార్క్‌ను దాటి 101 మిలియన్లకు పైగా వ్యూస్ సాధించి సరికొత్త రికార్డును క్రియేట్ చేసింది. ఈ ఫీట్‌ను అత్యంత వేగంగా అందుకున్న తెలుగు ట్రైలర్‌గా 'పెద్ది' ట్రైలర్ (Peddi Trailer) కొత్త రికార్డ్ సృష్టించింది. ప్రస్తుతం పలు భాషల్లో యూట్యూబ్‌లో నెంబర్ వన్ స్థానంలో ట్రెండింగ్‌లో ఉంది.

ఈ వేసవికి సరైన సినిమా ఇప్పటి వరకు పడలేదు. దీంతో ఇప్పుడు దేశవ్యాప్తంగా అందరి దృష్టి 'పెద్ది'పైనే ఉంది. ట్రైలర్ సాధించిన ఈ భారీ రికార్డులు సినిమాపై ఉన్న అంచనాలను మరింతగా పెంచేశాయి. తెలుగు రాష్ట్రాల్లో అభిమానులు దీన్ని పండగలా సెలబ్రేట్ చేసుకుంటుంటే, హిందీతో పాటు ఇతర భాషల మీడియా కూడా ఇటీవలి కాలంలో వచ్చిన అత్యంత గ్రిప్పింగ్, పవర్‌ఫుల్ ట్రైలర్‌లలో ఇదొకటిగా ప్రశంసలు కురిపిస్తుండటం విశేషం. లైక్స్ పరంగా కూడా ఈ సినిమా అన్ని భాషలలో కలిపి వన్ మిలియన్‌కు దగ్గరగా ఉండటం చూస్తుంటే.. ప్రేక్షకులు ఎంతగా ఈ సినిమా కోసం వెయిట్ చేస్తున్నారో తెలుస్తోంది.