ముదిరాజుల చిరకాల డిమాండ్‌పై ప్రభుత్వం సానుకూలంగా స్పందించడం ఆశాజనకమని పేర్కొన్నారు. రవీంద్రభారతిలో నిర్వహించిన పండుగ సాయన్న ముదిరాజ్ జయంతి వేడుకల్లో సీఎం రేవంత్‌రెడ్డి మాట్లాడుతూ.. ముదిరాజులను బీసీ-డీ నుంచి బీసీ-ఏలోకి మార్చాలన్న విజ్ఞప్తిపై రానున్న మంత్రివర్గ సమావేశంలో చర్చిస్తామని, మంత్రివర్గ ఉపసంఘాన్ని ఏర్పాటు చేసి అధ్యయనం చేయిస్తామని ప్రకటించడం పట్ల గౌరీ శంకర్ సంతోషం వ్యక్తం చేశారు.

కులగణన ద్వారా బీసీల జనాభా వివరాలను పక్కాగా సేకరించామని, అవసరమైతే ఆ లెక్కలను సవరించేందుకు కూడా సిద్ధంగా ఉన్నామని సీఎం పేర్కొనడం బీసీ వర్గాలకు మరింత బలాన్నిస్తుందని అన్నారు. ముదిరాజుల సామాజిక, ఆర్థిక అభ్యున్నతికి ఈ నిర్ణయం దోహదపడుతుందని ఆశిస్తున్నామని గౌరీ శంకర్ తెలిపారు. ప్రభుత్వం మంత్రివర్గ ఉపసంఘం ద్వారా సమగ్ర అధ్యయనం జరిపించి, ముదిరాజుల అభ్యర్థనపై సానుకూల నిర్ణయం తీసుకోవాలని కోరారు. ముఖ్యమంత్రి ప్రకటన ఆచరణలోకి వచ్చి ముదిరాజులకు న్యాయం జరిగేలా ప్రభుత్వం చర్యలు తీసుకోవాలని ఆకాంక్షించారు.