Rama Rao August 4, 2026Telangana
దండెపల్లి, ఆంధ్రప్రభ: దండేపల్లి మండలంలోని నెల్కివెంకటపూర్, వందురుగూడ అంగన్వాడీ కేంద్రాల్లో మంగళవారం తల్లిపాల వారోత్సవాలను నిర్వహించారు.
ఈ సందర్భంగా రాష్ట్ర బాలల ఆరోగ్య కార్యక్రమం వైద్యుడు డాక్టర్ గౌరీ శంకర్ తల్లిపాల ప్రాముఖ్యతపై తల్లులకు అవగాహన కల్పించారు.
ఈ సందర్భంగా ఆయన మాట్లాడుతూ పుట్టిన బిడ్డకు తొలి ఆరు నెలల వరకు తల్లిపాలే సంపూర్ణ ఆహారమని, అవి శిశువు ఎదుగుదలతో పాటు వ్యాధి నిరోధక శక్తిని పెంపొందిస్తాయని తెలిపారు. కార్యక్రమంలో భాగంగా చిన్నారుల బరువులను పరిశీలించడం, అన్నప్రాసన, అక్షరాభ్యాసం నిర్వహించారు. సమీకృత శిశు అభివృద్ధి సేవల పథకం పర్యవేక్షకురాలు ఎం. రమాదేవి తల్లిపాలు ఇవ్వడం వల్ల తల్లి, బిడ్డకు కలిగే ఆరోగ్య ప్రయోజనాలను వివరించారు. కార్యక్రమంలో డాక్టర్ గౌరీ శంకర్, కల్పన, ఎం. రమాదేవి, గ్రామీణ పేదరిక నిర్మూలన సంస్థ సిబ్బంది, ఉపాధ్యాయులు, గర్భిణులు, బాలింతలు, తల్లులు, కిశోర బాలికలు, అంగన్వాడీ కార్యకర్తలు, ఆయాలు పాల్గొన్నారు.