శనివారం తన నివాసంలో ఎమ్మార్పీఎస్‌ యాదాద్రి భువనగిరి జిల్లా మాజీ ప్రధాన కార్యదర్శి బోయ లింగస్వామి మాదిగ, మాదిగ జర్నలిస్టు ఫోరం చౌటుప్పల్‌ మండల మాజీ అధ్యక్షుడు ఆరుట్ల లింగస్వామి, ఎమ్మార్పీఎస్‌ మున్సిపల్‌ నాయకుడు బోదుల స్వామి తదితరులు మందకృష్ణ మాదిగను మర్యాదపూర్వకంగా కలిసి శాలువాలతో సన్మానించారు. ఈ సందర్భంగా ఆయన మాట్లాడుతూ.. రెండు తెలుగు రాష్ట్రాల్లో మాదిగ విద్యార్థి ఫెడరేషన్‌ (ఎంఎస్‌ఎఫ్‌) కమిటీల ఏర్పాటును వేగవంతం చేయాలని పిలుపునిచ్చారు. విద్యార్థులు, యువత సంఘటితమై హక్కుల సాధన కోసం ఉద్యమించాలని సూచించారు.