ఈ డిమాండ్ల సాధన కోసం ఈ నెల 24న సోమవారం తుడుం దెబ్బ ఆధ్వర్యంలో తలపెట్టిన ఉట్నూర్‌ ఐటీడీఏ ముట్టడి కార్యక్రమాన్ని విజయవంతం చేయాలని ఆయన పిలుపునిచ్చారు.

ఈ సందర్భంగా గోపీచంద్‌ మాట్లాడుతూ ఆదిలాబాద్‌ ఉమ్మడి జిల్లాతో పాటు కొమరం భీం ఆసిఫాబాద్‌ జిల్లాలోని ఆదివాసీ సంఘాల నాయకులు, ఆదివాసీలు పెద్ద సంఖ్యలో ముట్టడి కార్యక్రమానికి తరలిరావాలని కోరారు. గిరిజనుల హక్కులు, రిజర్వేషన్ల సాధన కోసం ఉద్యమాలే మార్గమని పేర్కొన్నారు. గ్రామ గ్రామాల నుంచి ఆదివాసీ సంఘాల నాయకులు, గిరిజనులు స్వచ్ఛందంగా పెద్ద ఎత్తున తరలివచ్చి ఉట్నూర్‌ ఐటీడీఏ ముట్టడిని విజయవంతం చేయాలని విజ్ఞప్తి చేశారు.