భవిష్యత్తులో అధునాతన AI అప్లికేషన్లు ఈ పనులను మరింత వేగంగా, ఖచ్చితంగా నిర్వహించగలవని ఆయన తెలిపారు.

ప్రస్తుతం సంస్థలు ఉపయోగిస్తున్న SaaS (Software as a Service) టూల్స్ కేవలం ఆదేశాలను అమలు చేస్తాయి. కానీ రానున్న AI ఆధారిత వ్యవస్థలు స్వతంత్రంగా నిర్ణయాలు తీసుకుని సూచనలు ఇవ్వగలవని ఆయన వివరించారు.

Good News: 7,000 ఉద్యోగాలకు ఒకేసారి నోటిఫికేషన్!

AI సామర్థ్యాలను ఉదాహరణగా చెబుతూ, ఒక మార్కెటింగ్ కంటెంట్‌ను AI విశ్లేషించి, అది బ్రాండ్‌కు సరిపోతుందా లేదా అనే విషయాన్ని స్వయంగా అంచనా వేసి, అవసరమైన మార్పులను కూడా సూచించగలదని నికేష్ అరోరా పేర్కొన్నారు.

ఈ కారణంగా ప్రస్తుతం తమ కంపెనీలో ఉన్న 600 మంది మార్కెటింగ్ ఉద్యోగులను AI సహాయంతో సగానికి తగ్గించే అవకాశాన్ని పరిశీలిస్తున్నామని ఆయన వెల్లడించారు.

ఉద్యోగాలు తగ్గుతున్నాయనే ఆందోళన అవసరం లేదని, అయితే నైపుణ్యాలు మారాల్సిన అవసరం ఉందని నికేష్ అరోరా అన్నారు.

ఆయన అభిప్రాయం ప్రకారం భవిష్యత్తులో అత్యధిక డిమాండ్ ఉండే రంగాలు:

• AI నైపుణ్యాలు కలిగిన ఉద్యోగులు
• టెక్నికల్ (Technical) ప్రొఫెషనల్స్
• సేల్స్ (Sales) నిపుణులు
• AI ఆధారిత ప్రొడక్ట్ డెవలప్‌మెంట్ నిపుణులు
• సైబర్ సెక్యూరిటీ నిపుణులు

ఉత్తమ ఉత్పత్తులను ప్రపంచవ్యాప్తంగా వినియోగదారులకు చేరవేయడంలో సేల్స్, టెక్నికల్ టీమ్‌ల పాత్ర మరింత పెరుగుతుందని ఆయన పేర్కొన్నారు.

రైల్వేలో 6,557 టెక్నీషియన్ ఉద్యోగాలు.. BSc, ITI అర్హతతో భారీ అవకాశం.. పూర్తి వివరాలు ఇవే!

ప్రస్తుతం కార్పొరేట్ రంగంలో పనిచేస్తున్న 90 శాతం మంది ఉద్యోగులకు AIపై సరైన అవగాహన లేకపోవడం అతిపెద్ద సవాలుగా మారిందని ఆయన అన్నారు.

"ఇది డార్విన్ సిద్ధాంతంలాంటి కాలం. మార్పులకు అనుగుణంగా నైపుణ్యాలను పెంచుకునే వారే భవిష్యత్తులో నిలబడగలరు" అని ఉద్యోగులకు ఆయన సూచించారు.

• భారతీయ-అమెరికన్ బిలియనీర్
• IIT (BHU) వారణాసి పూర్వ విద్యార్థి
• ఒకప్పుడు గూగుల్‌లో అత్యధిక వేతనం పొందిన అధికారి
• ప్రస్తుతం Palo Alto Networks సీఈఓ
• సంస్థ మార్కెట్ విలువ సుమారు 287 బిలియన్ డాలర్లు

గత రెండేళ్లలో AI ఆధారిత పునర్వ్యవస్థీకరణ కారణంగా ప్రపంచంలోని ప్రముఖ టెక్ కంపెనీలు భారీగా ఉద్యోగుల తొలగింపులు చేపట్టాయి. వాటిలో ముఖ్యంగా:

• Meta
• Amazon
• Oracle
• Cognizant

వేలాది మంది ఉద్యోగులను తగ్గించగా, అదే సమయంలో AI నైపుణ్యాలు ఉన్న నిపుణుల నియామకాలను వేగవంతం చేస్తున్నాయి.