న్యూజలాండ్ దిగ్గజ ప్లేయర్ సూజీ బేట్స్ పేరిట ఉన్న 4,758 పరుగుల ఆల్ టైమ్ రికార్డును దాటేసి అంతర్జాతీయ మహిళల టీ20 క్రికెట్‌లో అత్యధిక పరుగులు చేసిన బ్యాటర్‌గా అవతరించింది.

ఈ నాకౌట్ మ్యాచ్‌లో ఓపెనర్‌గా బరిలోకి దిగిన స్మృతి మంధాన ఆరంభం నుంచే బంగ్లాదేశ్ బౌలర్లపై విరుచుకుపడింది. కేవలం 19 బంతుల్లోనే 5 ఫోర్లు, 2 సిక్సర్లతో 37 పరుగులు చేసి దాదాపు 200 స్ట్రైక్ రేట్‌తో పరుగులు రాబట్టింది. పవర్ ప్లే ఆఖరి బంతికి ఔట్ అయింది. షెఫాలీ వర్మతో కలిసి తొలి వికెట్‌కు కేవలం 6 ఓవర్లలోనే 72 పరుగుల భాగస్వామ్యాన్ని నెలకొల్పి టీమిండియాకు అదిరిపోయే పునాది వేసింది.

స్మృతి మంధానకు ఈ మధ్యకాలంలో ఇది రెండో అతిపెద్ద మైలురాయి. కేవలం కొన్ని రోజుల క్రితమే భారత మహిళా క్రికెట్ దిగ్గజం మిథాలీ రాజ్ పేరిట ఉన్న 10,868 అత్యధిక అంతర్జాతీయ పరుగుల రికార్డును దాటేసి, అన్ని ఫార్మాట్లలో కలిసి భారతదేశం తరఫున అత్యధిక పరుగులు చేసిన ప్లేయర్‌గా రికార్డు సృష్టించింది. ఇప్పుడు టీ20ల్లో ప్రపంచంలోనే ఏకైక టాప్ రన్ స్కోరర్‌గా నిలిచి తన సత్తా చాటింది.

మహిళల టీ20 క్రికెట్‌లో అత్యధిక రన్స్ చేసిన బ్యాటర్లు..