వ్యాయామానికి ముందు, మధ్యలో తగినంత నీరు తాగాలి. వదులుగా, సౌకర్యవంతంగా ఉండే కాటన్ దుస్తులు ధరించాలి.బరువులు ఎత్తేటప్పుడు లేదా ఆసనాల్లో ఉన్నప్పుడు ఊపిరి బిగపట్టకూడదు. ఇది గర్భాశయంపై ఒత్తిడిని పెంచుతుంది. నిరంతరం శ్వాస తీసుకుంటూ, వదులుతూ ఉండాలి.

కొన్ని ప్రత్యేక ఆరోగ్య సమస్యలు ఉన్నవారు భారీ బరువులు ఎత్తడం లేదా తీవ్రమైన వర్కౌట్స్ చేయకూడదు.

• ​ప్లాసెంటా ప్రెవియా (మాయ కిందికి ఉండటం / Low-lying placenta)
  
• కారణం తెలియని యోని రక్తస్రావం (Vaginal bleeding)
  
• గుండె లేదా ఊపిరితిత్తుల తీవ్ర సమస్యలు
  
• సర్వైకల్ ఇన్‌సఫిషియన్సీ (గర్భాశయ ముఖద్వారం బలహీనంగా ఉండటం)
  
• ముందస్తు ప్రసవ ముప్పు లేదా ఉమ్మనీరు ముందే లీక్ అవ్వడం
  
• కవలలు లేదా అంతకంటే ఎక్కువ మంది పిల్లలు గర్భంలో ఉండటం
  
• నియంత్రణలో లేని అధిక రక్తపోటు (BP) లేదా ప్రీ-ఎక్లాంప్సియా
  

మునుపు ఎలాంటి వ్యాయామం చేయని వారు కూడా గర్భధారణ సమయంలో ప్రారంభించవచ్చు. ఎటువంటి కాంప్లికేషన్స్ లేకపోతే డాక్టర్ అనుమతితో తేలికపాటి వ్యాయామాలు చేయవచ్చు. కొత్తగా మొదలుపెట్టేవారు నేరుగా బరువులు ఎత్తకుండా సొంత శరీర బరువుతో చేసే వ్యాయామాలు లేదా రెసిస్టెన్స్ బ్యాండ్స్ వాడాలి.
గతంలో జిమ్ అలవాటు ఉన్నవారు అదే రొటీన్ కొనసాగించవచ్చు, కానీ కొత్త రికార్డుల కోసం కాకుండా శరీరాన్ని యాక్టివ్‌గా ఉంచడంపైనే దృష్టి పెట్టాలి. శిక్షణ పొందిన ప్రీ-నేటల్ ట్రైనర్ పర్యవేక్షణలో చేయడం మరింత మంచిది.

1. ​శరీర సమతుల్యత: బరువు పెరగడం వల్ల నడుము, తుంటి, మోకాళ్లపై పడే భారాన్ని తట్టుకునే బలాన్ని ఇస్తుంది.
   
2. మధుమేహం, బరువు నియంత్రణ: గర్భధారణ సమయంలో వచ్చే షుగర్ రిస్క్‌ను తగ్గిస్తుంది, అనవసరమైన బరువు పెరగకుండా చూస్తుంది.
   
3. రోజువారీ పనులకు సులువు: నడవడం, మెట్లు ఎక్కడం, వంగి లేవడం సులువవుతాయి.
   
4. సుఖ ప్రసవానికి తోడ్పాటు: పెల్విక్ ఫ్లోర్, కోర్ కండరాలు బలంగా మారడం వల్ల ప్రసవ సమయంలో, డెలివరీ తర్వాత శరీరం త్వరగా కోలుకోవడానికి (Postpartum Recovery) సాయపడుతుంది.
   
5. మానసిక ఉల్లాసం: ఒత్తిడి తగ్గి నిద్ర బాగా పడుతుంది.
   

కింది లక్షణాలు కనిపిస్తే వెంటనే వర్కౌట్ ఆపి డాక్టర్‌ను సంప్రదించాలి.

• ​యోని నుంచి బ్లీడింగ్ లేదా ఫ్లూయిడ్ (ఉమ్మనీరు) లీకేజ్
  
• కడుపులో తీవ్రమైన నొప్పి లేదా తరచూ వచ్చే నొప్పులు
  
• తలతిరగడం, కళ్లు తిరగడం లేదా మూర్ఛ రావడం
  
• ఛాతీ నొప్పి లేదా ఆకస్మికంగా తీవ్రమైన ఆయాసం
  
• తీవ్రమైన తలనొప్పి లేదా కంటి చూపు మసకబారడం
  
• పిండం కదలికలు గణనీయంగా తగ్గడం
  
• పిక్కల్లో లేదా కాళ్లలో వాపుతో కూడిన నొప్పి
  

గర్భధారణ సమయంలో శరీరంలో 'రిలాక్సిన్' హార్మోన్ విడుదలవుతుంది. ఇది ప్రసవం సులభతరం కావడానికి కీళ్లు, లిగమెంట్లను వదులుగా (ఫ్లెక్సిబుల్‌గా) చేస్తుంది. కీళ్లు సులువుగా సాగుతున్నాయి కదా అని విపరీతంగా స్ట్రెచింగ్ చేయకూడదు. జర్క్‌లు ఇచ్చేలా లేదా హఠాత్తుగా దిశ మార్చే కదలికలు చేయొద్దు. పట్టు తప్పి కింద పడకుండా ఉండేందుకు మంచి గ్రిప్ ఉన్న బూట్లు ధరించాలి, ఫ్లాట్ నేలపైనే వ్యాయామం చేయాలి.

సమయం తెలుగు సంప్రదించిన వైద్య నిపుణులు
​డాక్టర్ దివ్య ఆర్ ​
సీనియర్ కన్సల్టెంట్ - ప్రసూతి అండ్ గైనకాలజిస్ట్ & లాపరోస్కోపిక్ సర్జన్,
రెయిన్‌బో చిల్డ్రన్స్ హాస్పిటల్, ఎలక్ట్రానిక్ సిటీ.