మరోవైపు.. ఉదయనిధి స్టాలిన్ చేసిన వ్యాఖ్యలను తమిళనాడు మంత్రులు తీవ్రంగా ఖండించారు. రాజ్‌మోహన్, అధవ్ అర్జునా, ఆనంద్, అరుణ్‌రాజ్ వంటి మంత్రులు సోషల్ మీడియా వేదికగా స్పందిస్తూ ఉదయనిధి స్టాలిన్ వ్యాఖ్యలను తప్పుబట్టారు. బీజేపీ సీనియర్ నేత తమిళిసై సౌందరరాజన్ కూడా ఉదయనిధి స్టాలిన్ చేసిన ప్రసంగాన్ని వ్యతిరేకిస్తూ స్పందించారు. టీవీకే కార్యకర్తలు, నేతలు ఉదయనిధి స్టాలిన్ తీరు పట్ల తీవ్ర ఆగ్రహం వ్యక్తం చేస్తున్నారు.

ఇటీవల కావేరి జలాల సమస్యపై తంజావూరులోని పనగల్ భవనం ఎదుట డీఎంకే ఆధ్వర్యంలో నిరసన కార్యక్రమం నిర్వహించారు. ఈ కార్యక్రమానికి హాజరైన ఉదయనిధి స్టాలిన్.. 8 జిల్లాలకు చెందిన డీఎంకే కార్యకర్తలు, రైతులను ఉద్దేశించి మాట్లాడారు. ఈ ప్రసంగంలో భాగంగానే తమిళనాడు ముఖ్యమంత్రి జోసెఫ్ విజయ్‌పై తీవ్ర విమర్శలు చేసిన ఉదయనిధి స్టాలిన్.. ఆ సమయంలో డీఎంకే కార్యకర్తలు త్రిష, త్రిష అంటూ చేసిన నినాదాల సమయంలో డబుల్ మీనింగ్ వచ్చేలా చేసిన వ్యాఖ్యలు తీవ్ర వివాదాస్పదంగా మారాయి.

ఈ వ్యవహారంలో తంజావూరు పోలీస్ స్టేషన్‌లో టీఎంకే మహిళా విభాగం ఫిర్యాదు చేయగా.. ఇవాళ పోలీసులు ఉదయనిధి స్టాలిన్ ఇంటికి వెళ్లి అతడిని అఱెస్ట్ చేశారు. ఈ క్రమంలోనే డీఎంకే నేతలు మద్రాస్ హైకోర్టును ఆశ్రయించగా.. ఉదయనిధి స్టాలిన్‌ను వెంటనే విడిచిపెట్టాలని పోలీసులను ఆదేశించింది.