భారతదేశంలో ఆటోమొబైల్ రంగం వేగంగా మారుతోంది. పెరుగుతున్న ఇంధన ధరలు, పర్యావరణ సమస్యలు, ప్రభుత్వ ప్రోత్సాహకాలు కారణంగా ప్రజలు ఎలక్ట్రిక్ వాహనాల వైపు ఆకర్షితులవుతున్నారు.

ముఖ్యంగా 10 లక్షల రూపాయల లోపు లభించే ఎలక్ట్రిక్ కార్లు మధ్యతరగతి కుటుంబాలకు అందుబాటులో ఉండే మంచి ఎంపికగా మారాయి. తక్కువ నిర్వహణ ఖర్చులు, శూన్య ఉద్గారాలు, ఆధునిక సాంకేతికతతో ఈ కార్లు అనుకూలమైన ప్రయాణాన్ని అందిస్తున్నాయి.టాటా, MG వంటి కంపెనీలు ఈ సెగ్మెంట్ లో కార్ లను అందిస్తున్నాయి. నగర ప్రయాణాలకు అనువైన రేంజ్, సౌకర్యవంతమైన డ్రైవింగ్ అనుభవం, ప్రభుత్వ సబ్సిడీలు ఈ కార్లను మరింత ఆకర్షణీయంగా చేస్తున్నాయి.
టాటా టియాగో EV
ఇది భారతీయ మార్కెట్లో అందుబాటులో ఉన్న అత్యంత ఆకర్షణీయమైన ఎలక్ట్రిక్ కార్లలో ఒకటి. 19.2kwh బ్యాటరీతో ఈ కార్ 293 km వరకు రేంజ్ అందిస్తుంది. నగర ప్రయాణాలు , చిన్న దూర ప్రయాణాలకు ఇది సరైన ఎంపిక. 0-60 km/h వేగాన్ని కేవలం 5.7 సెకన్లలో చేరుతుంది.

ఫీచర్స్
LED హెడ్‌ల్యాంప్స్, DRLs, కాంట్రాస్ట్ రూఫ్, ప్రీమియం డ్యూయల్ టోన్ ,26.03 cm టచ్‌స్క్రీన్ ఇన్ఫోటైన్‌మెంట్ సిస్టమ్, 4 స్పీకర్లు, స్టీరింగ్ మౌంటెడ్ కంట్రోల్స్ , క్రూయిజ్ కంట్రోల్, పుష్ బటన్ స్టార్ట్, ఆటోమేటిక్ టెంపరేచర్ కంట్రోల్ వంటి ఫీచర్లు ఉన్నాయి.
సేఫ్టీ పరంగా డ్యూయల్ ఫ్రంట్ ఎయిర్‌బ్యాగ్స్, ఎలక్ట్రానిక్ స్టెబిలిటీ ప్రోగ్రామ్ (ESP), హిల్ హోల్డ్ కంట్రోల్, ISOFIX చైల్డ్ సీట్ మౌంట్స్, HD రియర్ వ్యూ కెమెరా, IP67 రేటెడ్ ప్రొటెక్షన్ సర్టిఫికెట్ ఉంటుంది . 7.2 kW AC హోమ్ వాల్ బాక్స్ ఛార్జర్ ద్వారా 2.6-3.6 గంటల్లో పూర్తి ఛార్జ్ అవుతుంది. దేశవ్యాప్తంగా 26,000+ ఛార్జింగ్ స్టేషన్లు అందుబాటులో ఉన్నాయి.దీని ప్రారంభ ఎక్స్ షో రూమ్ ధర ₹7,99,000/-
టాటా పంచ్ EV
భారతీయ మార్కెట్లో SUV స్టైల్‌లో అందుబాటులోకి వచ్చిన అత్యంత ఆకర్షణీయమైన ఎలక్ట్రిక్ కార్ . 40 kWh LFP బ్యాటరీ ప్యాక్ట ఇది 468 km వరకు ARAI సర్టిఫైడ్ రేంజ్, 355 km వరకు రియల్ వరల్డ్ రేంజ్ అందిస్తుంది. ఫాస్ట్ ఛార్జింగ్ టెక్నాలజీ ద్వారా కేవలం 26 నిమిషాల్లో 20% నుండి 80% వరకు ఛార్జ్ అవుతుంది. 15 నిమిషాల్లో 135 km రేంజ్ పొందవచ్చు.

ఫీచర్స్
పంచ్ EV bold SUV స్టైలింగ్‌తో రోడ్డుపై ప్రత్యేక ఆకర్షణగా నిలుస్తుంది. LED హెడ్‌ల్యాంప్స్, DRLs, 360° కెమెరా, 26.03 cm HD ఇన్ఫోటైన్‌మెంట్ సిస్టమ్ (HARMAN) వంటి ఫీచర్లు,క్రూయిజ్ కంట్రోల్, హిల్ డిసెంట్ కంట్రోల్, మల్టిపుల్ డ్రైవ్ మోడ్‌లు (City & Sport) ఉంటాయి .
సేఫ్టీ పరంగా 60+ సేఫ్టీ ఫీచర్లు, SOS కాలింగ్, టైర్ ప్రెషర్ మానిటరింగ్, ISOFIX చైల్డ్ సీట్ మౌంట్స్, ఎలక్ట్రానిక్ స్టెబిలిటీ ప్రోగ్రామ్ (ESP). లైఫ్‌టైమ్ HV బ్యాటరీ వారంటీ వినియోగదారులకు లాంగ్ టైం నమ్మకాన్ని కల్పిస్తుంది.దీని ప్రారంభ ఎక్స్ షో రూమ్ ధర ₹9,69,000/-
MG Comet EV
ఇది మధ్యతరగతి వినియోగదారులకు అందుబాటులో ఉండే కాంపాక్ట్ ఎలక్ట్రిక్ కార్. 17.3 kWh ప్రిజ్మాటిక్ లిథియం-అయాన్ బ్యాటరీతో ఇది 230 km వరకు రేంజ్ అందిస్తుంది.ఇది నగర ప్రయాణాలు, రోజువారీ ఆఫీస్ ట్రిప్స్‌కు ఇది సరైన ఎంపిక.

ఫీచర్స్
Comet EV 2-డోర్, 4-సీటర్ కాంపాక్ట్ కార్. లెదరెట్ సీట్లు, 10.25 ఇంచ్ ఫ్లోటింగ్ టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ క్లస్టర్ వంటి ఫీచర్లు దీన్ని స్టైలిష్‌గా ఉండేలా చేస్తాయి . వైర్లెస్ ఆండ్రాయిడ్ ఆటో & ఆపిల్ కార్ ప్లే ,i-SMART కనెక్టెడ్ ఫీచర్లు (55+) డ్రైవింగ్ అనుభవాన్ని సౌకర్యవంతంగా మారుస్తాయి .
సేఫ్టీ పరంగా ABS + EBD, హిల్ హోల్డ్ కంట్రోల్, ఎలక్ట్రానిక్ స్టెబిలిటీ కంట్రోల్, ఎలక్ట్రానిక్ పార్కింగ్ బ్రేక్, ముందు మరియు వెనుక డిస్క్ బ్రేకులు. హై స్ట్రెంగ్త్ బాడీ 17 హాట్ స్టాంపింగ్ ప్యానెల్స్‌తో భద్రతను పెంచుతుంది.దీని ప్రారంభ ఎక్స్ షో రూమ్ ధర ₹4.99 లక్షలు.

Read more news like this on telugu.timesnownews.com