ఆ తర్వాత హీరోయిన్‌గా Avika Gor వెండితెరపై కూడా తన అదృష్టాన్ని పరీక్షించుకుంటూ వస్తోంది. ఆశించిన స్థాయిలో కెరీర్ పికప్ కాకపోయినా, తనకు వచ్చిన అవకాశాలను సద్వినియోగం చేసుకుంటూ నటిగా కొనసాగుతోంది.

డెంగ్యూ ఫీవర్‌తో బాధపడుతున్నప్పటికీ :

అయితే తాజాగా అవికా గోర్‌కు సంబంధించిన ఓ ఆసక్తికరమైన విషయం సోషల్ మీడియాలో చర్చనీయాంశంగా మారింది. తన వృత్తి పట్ల ఆమె ఎంతటి అంకితభావంతో ఉంటుందో తెలియజేసే సంఘటనను ఆమె భర్త, సామాజిక కార్యకర్త మిలింద్ చంద్వాని సోషల్ మీడియా ద్వారా వెల్లడించారు.

అవికా గోర్‌కు ఒక సమయంలో ఏకంగా 104 డిగ్రీల జ్వరం వచ్చిందట. తీవ్రమైన డెంగ్యూ ఫీవర్‌తో బాధపడుతున్నప్పటికీ.. షూటింగ్‌కు హాజరై తన వృత్తిపట్ల ఉన్న కమిట్మెంట్‌ను చాటుకున్నారని మిలింద్ తెలిపారు. ఆరోగ్యం సహకరించకపోయినా షూటింగ్‌కు వెళ్లడం వల్ల ఆమె అనారోగ్యం మరింత తీవ్రంగా మారిందని ఆయన పేర్కొన్నారు.

సాధారణంగా అధిక జ్వరం, డెంగ్యూ వంటి అనారోగ్య పరిస్థితుల్లో విశ్రాంతి తీసుకోవడం చాలా అవసరం. అలాంటి సమయంలో కూడా పని విషయంలో అవికా చూపించిన నిబద్ధత తనను ఆశ్చర్యానికి గురిచేసిందనే భావనను మిలింద్ వ్యక్తం చేసినట్లు తెలుస్తోంది. అవికా గోర్ కెరీర్‌లో ఎన్నో ఒడిదుడుకులు ఎదురైనప్పటికీ.. నటనపై ఆమెకున్న ఆసక్తి మాత్రం తగ్గలేదు. వచ్చిన ప్రతి అవకాశాన్ని సీరియస్‌గా తీసుకుంటూ ముందుకు సాగుతోంది. తాజాగా వెలుగులోకి వచ్చిన ఈ ఘటన ఆమెకు వృత్తి పట్ల ఉన్న అంకితభావానికి నిదర్శనంగా నిలుస్తోంది. అయితే ఆరోగ్యాన్ని పణంగా పెట్టి పనిచేయడం కంటే.. అనారోగ్య సమయంలో తగిన విశ్రాంతి తీసుకోవడం కూడా అంతే ముఖ్యమని అభిమానులు అభిప్రాయపడుతున్నారు.

కనకరాజ్ కన్ఫ్యూజన్‌లో ప్రేక్షకులు..!