ఇతర రాష్ట్రాలతో పోలిస్తే ఇక్కడి రైతులకు మెరుగైన రీతిలో కరెంట్ అందుబాటులో ఉంది. మధ్యప్రదేశ్ లో 10 గంటలు మాత్రమే ఇస్తున్నారు. ఆంధ్రప్రదేశ్ లో 9 గంటల కాలం ఇస్తున్నారు. మహారాష్ట్రలో 8 గంటలు మాత్రమే ఇస్తున్నారు. కర్ణాటకలో 7 గంటల దాకా ఇస్తున్నారు. సౌర విద్యుత్ ఉత్పత్తి సమయంలోనే చాలా ప్రాంతాలలో ఇస్తున్నారు. కానీ ఇక్కడ మాత్రం సుదీర్ఘ సమయం పాటు విద్యుత్ వస్తోంది.

Heavy rains alert: తుఫాన్ హెచ్చరిక.. అక్టోబర్ 28-30 అలర్ట్!

12-hour power supply is possible only in Telangana

ఇతర రాష్ట్రాల కంటే మెరుగైన విద్యుత్ స్థితి

రాష్ట్రంలో మొత్తం 30.60 లక్షల వ్యవసాయ బోర్లకు కనెక్షన్లు ఉన్నాయి. గత ఖరీఫ్ సీజన్ తో పోలిస్తే ఈ ఏడాది విద్యుత్ వినియోగం భారీగా పెరిగింది. 2022 ఖరీఫ్ లో వినియోగం 2,640.70 కోట్ల యూనిట్లు ఉండగా, 2026 నాటికి అది 3,947.20 కోట్ల యూనిట్లకు పెరిగింది. ఈ ఏడాది విద్యుత్ వినియోగం 20 శాతం వరకు అధికమైంది. ఎక్స్ఛేంజీలో కొనుగోలు చేద్దామన్నా విద్యుత్ అందుబాటులో లేదు. గత నెల 7 నుంచి ఈ నెల 15 వరకు రోజుకు సగటున 3 కోట్ల యూనిట్ల కొరత ఏర్పడింది. వర్షాలు సరిగా కురవకపోవడం వల్ల జల విద్యుత్ ఉత్పత్తి భారీగా పడిపోయింది. గత అక్టోబర్ లో 138.30 కోట్ల యూనిట్లుగా ఉన్న జల విద్యుత్ ఉత్పత్తి, ఈ ఏడాది 14.4 కోట్ల యూనిట్లకు పడిపోయింది.

Telangana Electricity:రానున్న కాలంలో తీసుకోవాల్సిన ముందస్తు జాగ్రత్తలు

నిరంతర విద్యుత్ సరఫరా కోసం రానున్న రోజుల్లో మరిన్ని సవాళ్లు ఎదురుకావడానికి అవకాశం ఉంది. వీటిని సమర్థంగా ఎదుర్కోవడానికి అందరూ విద్యుత్ పొదుపు పాటించాలి. తక్కువ నీటిని ఉపయోగించే వర్షాధార పంటల సాగును పెంచాలి. పరిశ్రమలు తక్కువ విద్యుత్ వినియోగించే విధానాలను అవలంబించాలి. ఇళ్లలో తక్కువ పవర్ వినియోగించే సామాగ్రి వాడాలి. పెరుగుతున్న డిమాండ్ కు తగినట్లుగా ముందుగానే ఒప్పందాలు చేసుకోవాలి. పగటిపూట సౌర విద్యుత్ వినియోగంపై దృష్టి పెట్టాలి. రాత్రి వేళల్లో ఏర్పడే కొరతను అధిగమించడానికి ప్రణాళికలు రూపొందించాలి.

Epaper: epaper.vaartha.com

అక్టోబరు ముగుస్తున్నప్పటికీ తీవ్రమైన వేడి