Virat Kohli Revenge: ఆర్‌సీబీ వరుసగా బ్యాక్-టు-బ్యాక్ ఐపీఎల్ ట్రోఫీలను గెలుచుకుంది. ఐపీఎల్ 2026లో కూడా రాయల్ ఛాలెంజర్స్ బెంగళూరుకు చెందిన పలువురు స్టార్ ఆటగాళ్లు అద్భుత ప్రదర్శన చేశారు.

అయితే, ఈసారి కూడా మాజీ కెప్టెన్, సూపర్ స్టార్ బ్యాట్స్‌మెన్ విరాట్ కోహ్లీనే అందరినీ అమితంగా ఆకట్టుకున్నాడు. ఈ సీజన్‌కు ముందు, దక్షిణాఫ్రికా బౌలర్ కగిసో రబాడాపై టీ-20ల్లో కింగ్ కోహ్లీ రికార్డు చాలా పేలవంగా ఉండేది. కానీ రన్ మెషీన్ అని పిలవబడే కోహ్లీ, ఐపీఎల్ 19వ సీజన్ (2026)లో ఆ పాత రికార్డును పూర్తిగా మార్చేశాడు.

Virat Kohli

Virat Kohli Revenge: పాత రికార్డును మార్చేసిన విరాట్ కోహ్లీ

టీ-20 ఫార్మాట్‌లో కగిసో రబాడా బౌలింగ్‌లో విరాట్ కోహ్లీ రికార్డు చాలా బలహీనంగా ఉండేది. ఐపీఎల్ 2026 కంటే ముందు కోహ్లీ రబాడా వేసిన 60 బంతుల్లో కేవలం 113.3 స్వల్ప స్ట్రైక్ రేట్‌తో 68 పరుగులు మాత్రమే చేయగలిగాడు. అంతేకాకుండా, రబాడా.. కోహ్లీని 5 సార్లు పెవిలియన్‌కు కూడా పంపాడు. ఇటువంటి పరిస్థితిలో ఐపీఎల్ 2026లో కోహ్లీపై తీవ్రమైన ఒత్తిడి ఉంది. ఐపీఎల్ 2026లో కగిసో రబాడా గుజరాత్ టైటాన్స్ జట్టు తరపున ఆడాడు. ఈ సీజన్ విషయానికి వస్తే.. కోహ్లీ రబాడా వేసిన 37 బంతులను ఎదుర్కొన్నాడు. ఇందులో కింగ్ కోహ్లీ 237.8 అద్భుతమైన స్ట్రైక్ రేట్‌తో ఏకంగా 88 పరుగులు రాబట్టాడు. ఈ క్రమంలో 4 మ్యాచ్‌ల్లో కోహ్లీ కేవలం ఒకే ఒక్కసారి మాత్రమే అవుట్ అయ్యాడు. ఫైనల్ మ్యాచ్‌లో కూడా రబాడా బౌలింగ్‌లో కోహ్లీ ధాటిగా బ్యాటింగ్ చేశాడు.