Pawan Kalyan on Chandrababu : ఆంధ్రప్రదేశ్ రాజకీయ విశ్లేషణల వేదికలపై ఇటీవల రేగిన ఒక వివాదంపై జనసేన అధినేత పవన్ కళ్యాణ్ తీవ్రస్థాయిలో స్పందించారు.

గతంలో వైఎస్ జగన్ మోహన్ రెడ్డిని జైలుకు పంపాలని తాను కోరుకున్నట్లు కొందరు మేధావులు, విశ్లేషకులు ప్రచారం చేయడాన్ని ఆయన తప్పుపట్టారు. జగన్ జైలుకు వెళ్తే రాజకీయంగా పవన్ కళ్యాణ్‌కు లబ్ధి చేకూరుతుందనే కోణంలో సాగిన విశ్లేషణలను ఆయన పూర్తిగా కొట్టిపారేశారు. అటువంటి విశ్లేషణలు “పిచ్చి లాజిక్” తో కూడుకున్నవని, వాటి వెనుక ఎలాంటి హేతుబద్ధత లేదని పవన్ కళ్యాణ్ మండిపడ్డారు. ప్రముఖ రాజకీయ విశ్లేషకులు ప్రొఫెసర్ నాగేశ్వర్ పేరును నేరుగా ప్రస్తావించకుండానే, ఆయన చేసిన పాత వ్యాఖ్యల తాలూకు వివాదంపై పవన్ ఈ విధంగా ఘాటుగా స్పందించడం రాజకీయ వర్గాల్లో హాట్ టాపిక్‌గా మారింది.

Read Also : 11 క్లస్టర్లలో వర్చువల్ మహానాడుకు ఎమ్మెల్యే అమిలినేని సురేంద్రబాబు పిలుపు!

చంద్రబాబు జైలు ఉదంతాన్ని గుర్తుచేస్తూ.. రాజకీయ తెగింపుపై వ్యాఖ్యలు

ఈ సందర్భంగా తన వాదనను బలంగా వినిపించడానికి పవన్ కళ్యాణ్ గతంలో చంద్రబాబు నాయుడు జైలుకు వెళ్లిన ఉదంతాన్ని ఉదాహరణగా చూపెట్టారు. “రాజకీయ నాయకులు జైలుకు వెళ్తే ఇతరులకు లాభం జరుగుతుందనేదే నిజమైతే, గతంలో చంద్రబాబు నాయుడు జైలుకు వెళ్లినప్పుడే నేను ఆ పరిస్థితులను వాడుకుని ముఖ్యమంత్రిని అయ్యేవాడిని కదా?” అంటూ ఆయన ఎదురు ప్రశ్నించారు. ఎదుటివారి కష్టాన్ని చూసి రాజకీయం చేసే అలవాటు తనకు లేదని ఆయన స్పష్టం చేశారు. తాను ఏదో పదవుల కోసమో, స్వార్థ ప్రయోజనాల కోసమో కాకుండా, సమాజంలో మార్పు కోసం అన్నింటికీ తెగించి రాజకీయాల్లోకి వచ్చానని ఈ సందర్భంగా పవన్ కళ్యాణ్ పునరుద్ఘాటించారు.