LPG eKYC: ఎల్పీజీ సిలిండర్లను వినియోగిస్తున్న ప్రతి ఒక్కరూ తక్షణమే ఈ-కేవైసీ ప్రక్రియను పూర్తి చేసుకోవాలని ఆయిల్ మార్కెటింగ్ కంపెనీలు స్పష్టం చేశాయి.
దీనికి సంబంధించి ఆగస్టు 16వ తేదీని తుది గడువుగా నిర్ణయించినట్లు వెల్లడించాయి. ఒకవేళ నిర్ణీత తేదీలోపు ఈ ప్రక్రియను పూర్తి చేయడంలో విఫలమైతే, గ్యాస్ కనెక్షన్తో పాటు లభించే సబ్సిడీ నిలిచిపోయే ప్రమాదం ఉందని హెచ్చరికలు జారీ చేశాయి.
ఇప్పటికే పూర్తి చేసినవారు మళ్లీ చేయాలా? ఆన్లైన్ విధానం గురించి వివరాలు
గతంలోనే తమ గ్యాస్ కనెక్షన్కు సంబంధించి ఈ-కేవైసీని పూర్తి చేసుకున్న వినియోగదారులు మళ్లీ ఎలాంటి ప్రక్రియ చేయాల్సిన అవసరం లేదని అధికారులు స్పష్టం చేశారు. ఈ ప్రక్రియను పూర్తి చేయడం చాలా సులభం అని, వినియోగదారులు తమకు సమీపంలోని గ్యాస్ ఏజెన్సీని సందర్శించడం ద్వారా లేదా నేరుగా డెలివరీ బాయ్ సహాయంతో దీన్ని పూర్తి చేసుకోవచ్చని తెలిపారు. అలాగే ఇంటర్నెట్ సౌకర్యం ఉన్నవారు ఆన్లైన్ ద్వారా కూడా సులభంగా ఈ-కేవైసీని పూర్తి చేసుకునే సదుపాయం ఉందని వివరించారు.