Sweet Potato Chaat: చిలగడదుంపతో ఎప్పుడూ ఒకే రకమైన వంటలు చేసుకుంటున్నారా? అయితే ఈసారి కాస్త వెరైటీగా స్వీట్ పొటాటో చాట్ తయారు చేసుకోండి. ఇంట్లో సులభంగా లభించే పదార్థాలతోనే ఈ చాట్‌ను త్వరగా సిద్ధం చేసుకోవచ్చు.
సాయంత్రం సమయంలో తేలికపాటి స్నాక్‌గా లేదా చిన్నపాటి ఆకలికి ఇది మంచి ఎంపిక.
తయారీకి కావాల్సిన పదార్థాలు:
- చిలగడదుంప - 2
- ఉల్లిపాయ - ½
- టమాటా - 1
- దానిమ్మ గింజలు - 2 టేబుల్ స్పూన్లు
- కొత్తిమీర - కొద్దిగా
- నిమ్మరసం - 1-2 టీస్పూన్లు
- చాట్ మసాలా - ½ టీస్పూన్
- జీలకర్ర పొడి - ¼ టీస్పూన్
- మిరియాల పొడి - ¼ టీస్పూన్
- ఉప్పు - తగినంత
Sweet Potato Chaat: తయారీ విధానం
ముందుగా చిలగడదుంపలను శుభ్రంగా కడిగి మెత్తగా ఉడికించాలి. చల్లారిన తర్వాత తొక్క తీసి చిన్న ముక్కలుగా కట్ చేసుకోవాలి. ఒక గిన్నెలో చిలగడదుంప ముక్కలు, ఉల్లిపాయ, టమాటా, దానిమ్మ గింజలు వేసుకోవాలి. ఇందులో చాట్ మసాలా, జీలకర్ర పొడి, మిరియాల పొడి, ఉప్పు వేసి బాగా కలపాలి. చివరగా నిమ్మరసం, కొత్తిమీర వేసి మరోసారి కలిపితే రుచికరమైన స్వీట్ పొటాటో చాట్ రెడీ. వెంటనే సర్వ్ చేస్తే మరింత టేస్టీగా ఉంటుంది.
హెల్తీగా ఉండాలంటే: చిలగడదుంపను డీప్ ఫ్రై చేయకుండా ఉడికించి లేదా ఓవెన్‌లో రోస్ట్ చేసి ఉపయోగించండి. ఇలా చేస్తే తక్కువ నూనెతో రుచికరమైన స్నాక్‌ను ఆస్వాదించవచ్చు.
హెల్తీ బ్రేక్‌ఫాస్ట్ కోసం ఈ పాలకూర-పనీర్ ఓట్స్ బైట్స్ ట్రై చేయండి