HMD Vibe 2 5G Mobile: భారతదేశంలో బడ్జెట్ ధరలో సరికొత్త 5G స్మార్ట్‌ఫోన్‌ను అందిస్తూ హెచ్ఎండీ (HMD) గ్లోబల్ సంస్థ తన సరికొత్త మొబైల్ 'హెచ్ఎండీ వైబ్ 2 5G' (HMD Vibe 2 5G) ను అధికారికంగా విడుదల చేసింది.

తక్కువ ధరలో ఎక్కువ బ్యాటరీ, స్మూత్ డిస్‌ప్లే ఆశించే వినియోగదారులను టార్గెట్ చేస్తూ ఈ ఫోన్‌ను మార్కెట్లోకి తీసుకొచ్చారు. బ్యాంక్ ఆఫర్లతో కలుపుకుని ఈ ఫోన్ ప్రత్యేక ప్రారంభ ధర రూ. 9,499 గా నిర్ణయించారు. (సాధారణ ధర రూ. 10,999 గా ఉంది). ఈ స్మార్ట్‌ఫోన్ మే 26వ తేదీ మధ్యాహ్నం 12 గంటల నుండి ప్రముఖ ఈ-కామర్స్ సైట్ ఫ్లిప్‌కార్ట్ (Flipkart) ద్వారా వినియోగదారులకు అందుబాటులోకి రానుంది. ఇది కాస్మిక్ లావెండర్, నార్డిక్ బ్లూ, పీచ్ పింక్ అనే మూడు ఆకర్షణీయమైన రంగుల్లో లభిస్తుంది.

Read Also :Maruti Suzuki Car Price Hike: వచ్చే నెల నుంచి మారుతి కార్ల ధరల పెంపు

Launched at a starting price of Rs. 9,499. Android 16, 6000mAh battery,

HMD Vibe 2 5G Mobile: సరికొత్త ఆండ్రాయిడ్ 16.. 'ఇండస్ ఏఐ' ప్రత్యేకత

ఈ ఫోన్ యొక్క అత్యంత కీలకమైన అప్‌డేట్ ఏంటంటే.. ఇది అవుట్ ఆఫ్ ది బాక్స్ సరికొత్త ఆండ్రాయిడ్ 16 (Android 16) ఆపరేటింగ్ సిస్టమ్‌తో వస్తుంది. అలాగే బ్లోట్‌వేర్ (అనవసరమైన యాప్స్) లేని క్లీన్ ఓఎస్ అనుభూతిని ఇస్తుంది. దీనితో పాటు భారతీయ వినియోగదారుల కోసం 'సర్వం ఏఐ' (Sarvam AI) రూపొందించిన 'ఇండస్ ఏఐ' (Indus AI) అసిస్టెంట్‌తో వస్తున్న మొదటి ఫోన్ ఇదే కావడం విశేషం. ఇది తెలుగుతో పాటు 22 భారతీయ భాషలను, మన ప్రాంతీయ యాసలను సులభంగా అర్థం చేసుకోగలదు.

'హెచ్ఎండీ వైబ్ 2 5G' పూర్తి ఫీచర్లు

• డిస్‌ప్లే: 120Hz రిఫ్రెష్ రేట్‌తో కూడిన 6.74-అంగుళాల HD+ IPS LCD స్క్రీన్ (500 నిట్స్ బ్రైట్‌నెస్)
• ప్రాసెసర్: ఆక్టా-కోర్ యూనిసోక్ T8200 (Unisoc T8200) చిప్‌సెట్
• ర్యామ్ & స్టోరేజ్: 4GB RAM + 64GB స్టోరేజ్ మరియు 4GB RAM + 128GB స్టోరేజ్ వేరియంట్లు (మైక్రో ఎస్డీ కార్డ్ ద్వారా 512GB వరకు పెంచుకోవచ్చు).
• కెమెరా: వెనుక వైపు 50MP AI డ్యూయల్ కెమెరా సెటప్, సెల్ఫీల కోసం ముందు భాగంలో 8MP కెమెరా ఉన్నాయి.
• బ్యాటరీ & ఛార్జింగ్: భారీ 6000mAh బ్యాటరీ.. ఇది 18W ఫాస్ట్ ఛార్జింగ్‌కు సపోర్ట్ చేస్తుంది (ఛార్జర్ బాక్స్‌లోనే వస్తుంది).
• రక్షణ: ధూళి, నీటి చినుకుల నుండి రక్షణ కోసం IP64 రేటింగ్ ఇవ్వబడింది.
• సెక్యూరిటీ: సైడ్-మౌంటెడ్ ఫింగర్‌ప్రింట్ స్కానర్ మరియు ఫేస్ అన్‌లాక్ ఫీచర్లు ఉన్నాయి.