Eye stroke symptoms: మెదడుకు పక్షవాతం వచ్చినట్లే కంటికి కూడా స్ట్రోక్ వస్తుందని మీకు తెలుసా? రక్త నాళాల్లో అడ్డంకులు ఏర్పడి కంటి చూపును దెబ్బతీసే ఈ పరిస్థితిని ఐ స్ట్రోక్ అంటారు.

సరైన సమయంలో స్పందించకపోతే శాశ్వతంగా అంధత్వం వచ్చే అవకాశం ఉంది. అందుకే ఈ ముప్పు గురించి ప్రతి ఒక్కరూ ముందస్తుగా తెలుసుకోవడం చాలా అవసరం.

Read also: Fennel water Benifits :సోంపు నీళ్లతో గ్యాస్, ఎసిడిటీకి చెక్ పెట్టండి..

Eye health checkup for eye stroke.

Eye stroke symptoms: ఏ కారణాల వల్ల ఐ స్ట్రోక్ వస్తుంది?

మన కంటిలోని రెటీనాకు రక్తాన్ని సరఫరా చేసే నాళాల్లో కొవ్వు పేరుకుపోవడం లేదా రక్తం గడ్డకట్టడం వల్ల ఈ సమస్య మొదలవుతుంది. ముఖ్యంగా అధిక రక్తపోటు, షుగర్ వ్యాధి ఉన్నవారిలో రక్త ప్రసరణ మందగించి ఈ స్ట్రోక్ వచ్చే అవకాశాలు ఎక్కువగా ఉంటాయి. రక్త నాళాలు బలహీనపడటం వల్ల కంటి కణాలకు ఆక్సిజన్ అందక అవి త్వరగా పాడైపోతాయి.

ప్రమాద సంకేతాలను ఇలా గుర్తించండి

• ఒక్క కంటిలో అకస్మాత్తుగా చూపు మసకబారడం.
• కంటి ముందు నల్లటి చుక్కలు లేదా మచ్చలు కదలడం.
• చూపులో ఒక భాగం నీడలా మారి చీకటిగా అనిపించడం.
• నొప్పి లేకుండానే ఒక్కసారిగా కంటి చూపు తగ్గిపోవడం.
• వెలుతురును సరిగ్గా చూడలేకపోవడం వంటి మార్పులు రావడం.

ఎవరికి ఈ వ్యాధి ముప్పు ఎక్కువగా ఉంది?

సాధారణంగా 50 ఏళ్లు దాటిన వారిలో ఈ సమస్య కనిపిస్తుంది. అయితే ధూమపానం చేసే అలవాటు ఉన్నవారు, గుండె సంబంధిత వ్యాధులు ఉన్నవారు కూడా జాగ్రత్తగా ఉండాలి. రక్తంలో కొలెస్ట్రాల్ పెరగడం వల్ల కంటి ధమనులు పూడుకుపోయే అవకాశం ఉంటుంది. కంటి ఒత్తిడి పెరిగే గ్లకోమా వ్యాధి ఉన్నవారికి కూడా ఐ స్ట్రోక్ వచ్చే రిస్క్ చాలా ఎక్కువగా ఉంటుంది.