ప్రయాణికుల రద్దీ, విమాన ప్రయాణ అవసరాలను దృష్టిలో ఉంచుకుని నగరం పరిధిలో సరికొత్త రూట్‌లో పుష్పక్ లగ్జరీ ఏసీ బస్సు సర్వీసులను అందుబాటులోకి తేనున్నారు. పటాన్‌చెరు శంషాబాద్ ఎయిర్‌పోర్ట్ పుష్పక్ బస్సు సర్వీస్ ద్వారా పటాన్‌చెరు పారిశ్రామిక ప్రాంతం నుంచి శంషాబాద్ అంతర్జాతీయ విమానాశ్రయానికి వెళ్లేవారికి ప్రయాణం ఎంతో సులభతరం కానుంది. ప్రధానంగా పశ్చిమ హైదరాబాద్ పరిధిలోని ఐటీ కారిడార్‌ను అనుసంధానిస్తూ ఈ కొత్త రూట్ డిజైన్ చేశారు. ప్రస్తుతం నగరంలో 55 వరకు పుష్పక్ ఏసీ బస్సులు సేవలు అందిస్తుండగా, ఈ కొత్త రూట్ కోసం ప్రత్యేకంగా బస్సులను కేటాయించేందుకు ప్రణాళికలు సిద్ధం చేశారు. పటాన్‌చెరు పరిసర ప్రాంతాల నుంచి విమానాశ్రయానికి నిత్యం వెళ్లే ప్రయాణికులు ఈ అవకాశాన్ని పూర్తిస్థాయిలో వినియోగించుకోవచ్చు. రాబోయే కొద్ది రోజుల్లోనే ఈ నూతన ఏసీ బస్సు సేవలు ప్రజలకు అందుబాటులోకి రానున్నాయి.

Telangana Congress: అక్టోబర్ 24న హైదరాబాద్‌లో కాంగ్రెస్ నిరసన!

‘Pushpak’ bus services launched at Shamshabad Airport

ఐటీ కారిడార్ మీదుగా సాగే సరికొత్త రహదారి ప్రయాణ మార్గం

పటాన్‌చెరు ప్రాంతం నుంచి ప్రారంభమయ్యే ఈ ఏసీ బస్సులు ప్రధాన నివాస ప్రాంతాలు, వ్యాపార సముదాయాలను కలుపుతూ విమానాశ్రయానికి చేరుకుంటాయి. పటాన్‌చెరు నుంచి బయలుదేరే బస్సు లింగంపల్లి, నల్లగండ్ల, గోపన్‌పల్లి, గౌలిదొడ్డి మీదుగా గచ్చిబౌలి ఫైనాన్షియల్ డిస్ట్రిక్ట్ చేరుకుంటుంది. అక్కడి నుంచి కోకాపేట్, నార్సింగి మీదుగా ఔటర్ రింగ్ రోడ్డు ఎక్కి నేరుగా శంషాబాద్ ఎయిర్‌పోర్ట్‌కు చేరుకునేలా ఆర్టీసీ అధికారులు మార్గాన్ని సిద్ధం చేశారు. నల్లగండ్ల, గోపన్‌పల్లి వంటి ప్రముఖ అపార్ట్‌మెంట్లు, కాలనీలు ఎక్కువగా ఉన్న ప్రాంతాల మీదుగా ఈ బస్సులు ప్రయాణిస్తాయి. దీనివల్ల నిత్యం సాఫ్ట్‌వేర్ కంపెనీలలో పనిచేసే ఉద్యోగులకు, వ్యాపారవేత్తలకు ఎయిర్‌పోర్ట్‌కు చేరుకోవడం చాలా సులభం అవుతుంది. ఐటీ రంగానికి అత్యంత కీలకమైన కోకాపేట్, ఫైనాన్షియల్ డిస్ట్రిక్ట్ ప్రాంతాలకు మెరుగైన రవాణా సదుపాయం లభిస్తుంది.

Pushpak AC Bus:భారీ క్యాబ్ బిల్లులకు చెక్.. తక్కువ ఖర్చుతోనే విమానాశ్రయ ప్రయాణం

పటాన్‌చెరు, నల్లగండ్ల ప్రాంతాల నుంచి శంషాబాద్ విమానాశ్రయానికి దాదాపు 45 కిలోమీటర్ల దూరం ఉంటుంది. రద్దీ సమయాల్లో లేదంటే అర్ధరాత్రి వేళల్లో ప్రైవేట్ క్యాబ్‌లను ఆశ్రయిస్తే రూ.1500 నుంచి రూ.2000 వరకు అధికంగా చార్జీలు వసూలు చేస్తున్నారు. ఆర్టీసీ ప్రవేశపెడుతున్న ఈ పుష్పక్ లగ్జరీ ఏసీ బస్సుల వల్ల కేవలం కొన్ని వందల రూపాయల టికెట్ ధరతోనే సురక్షితంగా విమానాశ్రయానికి చేరుకోవచ్చు. ముఖ్యంగా ఒంటరిగా ప్రయాణించే మహిళలకు, నగరంలోని మధ్యతరగతి కుటుంబాలకు ఈ సర్వీస్ ఎంతో ఉపయోగకరంగా మారనుంది. స్థానిక నివాసితులు, ఐటీ సంఘాల నుంచి వచ్చిన విజ్ఞప్తులను పరిశీలించిన తర్వాత గ్రేటర్ ఆర్టీసీ అధికారులు ఈ నూతన రూట్‌కు ఆమోదం తెలిపారు. కాలనీలు, ప్రధాన అపార్ట్‌మెంట్ల కూడళ్ల నుంచే బస్సులు వెళ్తుండటం వల్ల ప్రయాణికులకు క్యాబ్ ఖర్చులు పూర్తిగా ఆదా అవుతాయి. ప్రయాణికుల భద్రతతో పాటు జాప్యం లేకుండా సమయానికి ఎయిర్‌పోర్ట్ చేరుకోవడానికి ఈ బస్సులు ఎంతగానో దోహదపడతాయి.

Epaper: epaper.vaartha.com

కూరగాయల రేట్లు చూస్తే దిమ్మ తిరగాల్సిందే