ఈ సీజన్‌లో దీర్ఘకాలిక సగటులో కేవలం 87 శాతం అంటే 759.4 మి.మీ వర్షపాతం మాత్రమే నమోదైంది. ఇది 1901 తర్వాత దేశంలో నమోదైన 13వ అత్యల్ప వర్షపాతం కాగా, 2001 తర్వాత 4వ అత్యల్పంగా నిలిచింది. దేశంలోని 36 వాతావరణ సబ్-డివిజన్లలో ఏకంగా 17 విభాగాల్లో తీవ్ర వర్ష లోటు ఏర్పడగా, కేవలం ఒడిశాలో మాత్రమే సాధారణం కంటే ఎక్కువ వర్షాలు కురిశాయి. పసిఫిక్ మహాసముద్రంలో బలపడుతున్న ఎల్ నినో ప్రభావమే ఈ తీవ్ర వర్షాభావానికి ప్రధాన కారణమని వాతావరణ నిపుణులు విశ్లేషిస్తున్నారు.

Read Also : Cabinet Meeting: పంటల మద్దతు ధర పెంచిన కేంద్రం

Temperatures set to rise in October: IMD warning

Weather Alert: నైరుతి రుతుపవనాలు తీవ్ర నిరాశ.. ప్రధాన గణాంకాలు

జూన్‌ 1 నుంచి సెప్టెంబర్‌ 30 వరకు కొనసాగిన నైరుతి రుతుపవనాల సీజన్‌లో దేశవ్యాప్తంగా ఆశించిన స్థాయిలో వర్షాలు కురవలేదు. దీర్ఘకాలిక సగటుతో పోలిస్తే ఈ సీజన్‌లో మొత్తం వర్షపాతం 87 శాతానికే పరిమితమైంది. దేశవ్యాప్తంగా 759.4 మి.మీ వర్షపాతం నమోదైంది. 2001 తర్వాత ఇది నాలుగో అత్యల్ప వర్షపాతంగా, 1901 నుంచి లెక్కిస్తే 13వ అత్యల్ప స్థాయిగా నమోదైంది.

ప్రాంతాల వారీగా చూస్తే తూర్పు, ఈశాన్య భారతంలో పరిస్థితి మరింత ఆందోళనకరంగా ఉంది. ఈ ప్రాంతంలో 1016.3 మి.మీ వర్షపాతం మాత్రమే నమోదై, 1901 తర్వాత అత్యల్ప వర్షపాతంగా రికార్డయింది. దక్షిణ ద్వీపకల్పంలో 542 మి.మీ వర్షం కురవగా, 2001 తర్వాత ఇది రెండో అత్యల్ప వర్షపాతంగా నమోదైంది.

దేశంలోని 36 వాతావరణ సబ్‌ డివిజన్లలో 17 ప్రాంతాల్లో తీవ్ర వర్షపాతం లోటు కనిపించింది. మరో 18 విభాగాల్లో సాధారణ వర్షపాతం నమోదైంది. సాధారణం కంటే అధిక వర్షపాతం నమోదైన ఏకైక ప్రాంతంగా ఒడిశా నిలిచింది. నెలల వారీగా పరిశీలిస్తే జూన్‌లో దీర్ఘకాలిక సగటులో 65 శాతం, జూలైలో 101 శాతం, ఆగస్టులో 84 శాతం, సెప్టెంబర్‌లో 92 శాతం వర్షపాతం నమోదైంది. ముఖ్యంగా జూన్‌లో ఒక్క అల్పపీడనం కూడా ఏర్పడకపోవడం సీజన్‌ ప్రారంభంలోనే వర్షాభావ పరిస్థితులు ఏర్పడటానికి ప్రధాన కారణంగా నిలిచింది.

తెలంగాణపై వర్షాభావం, ఉక్కపోత ప్రభావం

తెలంగాణలోనూ వర్షాల జాడ తగ్గడంతో పాటు ఉష్ణోగ్రతలు గరిష్ట స్థాయికి చేరే ప్రమాదం ఉంది. అయితే ఈశాన్య రుతుపవనాల ప్రభావంతో కోస్తాంధ్ర, రాయలసీమ, తమిళనాడు, కేరళ ప్రాంతాల్లో మాత్రం సాధారణ వర్షపాతం నమోదయ్యే అవకాశం ఉంది. రుతుపవనాలు విఫలం కావడం, అక్టోబర్‌లోనూ లోటు వర్షపాతం సూచనలు ఉండటంతో రానున్న రోజుల్లో వ్యవసాయం, సాగు నీరు, తాగునీటి అవసరాలపై తీవ్ర ప్రభావం పడే అవకాశాలు కనిపిస్తున్నాయి.

తెలంగాణలో పెరుగుతున్న ఎండలు.. !