Alluri District Ganja Seized: అల్లూరి సీతారామరాజు జిల్లా ముంచంగిపుట్టు మండలం పనసపుట్టు పంచాయతీ పరిధిలోని సంఘం వలస గ్రామంలో ఈ ఘటన జరిగింది. స్థానిక కాఫీ తోటల్లో భారీగా గంజాయి దాచినట్లు పోలీసులకు పక్కా సమాచారం అందింది.

దీంతో అప్రమత్తమైన అధికారులు వెంటనే ఆ ప్రాంతంలో సోదాలు నిర్వహించారు. తోటల మధ్య నిల్వ ఉంచిన 749 కిలోల గంజాయిని గుర్తించి స్వాధీనం చేసుకున్నారు.

Read also: Sangareddy: రూ. 10 కర్రీ కోసం ఘర్షణ: అన్నదమ్ములపై తల్వార్‌తో దాడి

Police Seizing Ganja In Alluri Dist

Alluri District Ganja Seized: ఎస్సై నాని ఆధ్వర్యంలో మెరుపు దాడి

ఈ ఆపరేషన్ ముంచంగిపుట్టు ఎస్సై నాని నేతృత్వంలో విజయవంతంగా సాగింది. పట్టుకున్న గంజాయి విలువ బహిరంగ మార్కెట్లో సుమారు రూ.3.45 కోట్లు ఉంటుందని అంచనా వేస్తున్నారు. నిందితులు ఎక్కడ ఉన్నారో తెలుసుకోవడానికి పోలీసులు గాలింపు చర్యలు ముమ్మరం చేశారు. అక్రమ రవాణా చేసే వారిపై కఠిన చర్యలు తీసుకుంటామని ఈ సందర్భంగా అధికారులు హెచ్చరించారు.

అక్రమ రవాణాపై పోలీసుల ఉక్కుపాదం

జిల్లా సరిహద్దు ప్రాంతాల్లో నిఘా పెంచడం వల్లే ఈ భారీ నిల్వలు బయటపడ్డాయి. గంజాయి సాగు, విక్రయాల అడ్డుకట్టకు ప్రత్యేక బృందాలు నిరంతరం తనిఖీలు చేస్తున్నాయి. ప్రజలు కూడా ఇలాంటి అక్రమ కార్యకలాపాలపై సమాచారం అందించాలని పోలీసులు కోరుతున్నారు. పట్టుబడిన సరుకును సీజ్ చేసి కేసు నమోదు చేసినట్లు ఉన్నతాధికారులు వెల్లడించారు.