అంబటి రాంబాబుపై మరో కేసు నమోదు

అంబటి రాంబాబుపై కొత్త కేసు

Ambati Rambabu case : వైఎస్సార్ కాంగ్రెస్ పార్టీ సీనియర్ నేత, మాజీ మంత్రి అంబటి రాంబాబుపై పోలీసులు మరో కేసు నమోదు చేశారు.

శనివారం గుంటూరు కలెక్టరేట్ ముందు నిర్వహించిన నిరసన దీక్ష కారణంగా ఈ కేసు నమోదు అయినట్లు పోలీసులు తెలిపారు.

నిరసన దీక్ష కారణం

తన ఇంటిపై దాడి చేసిన వారిని ఇప్పటికీ అరెస్ట్ చేయలేదని ఆరోపిస్తూ అంబటి రాంబాబు ఒకరోజు నిరాహార దీక్ష చేపట్టారు. ఈ సందర్భంగా దాడికి పాల్పడిన నిందితులను వెంటనే అరెస్ట్ చేయాలని, అలాగే గతంలో తనను కస్టడీలో హింసించిన పోలీసులపై చర్యలు తీసుకోవాలని ఆయన డిమాండ్ చేశారు.

Ambati Rambabu case

ట్రాఫిక్ ఇబ్బందుల ఆరోపణ

అనుమతి లేకుండా కలెక్టరేట్ ముందు ఆందోళన చేపట్టడంతో ప్రజలకు, వాహనదారులకు తీవ్ర ట్రాఫిక్ ఇబ్బందులు కలిగాయని పోలీసులు పేర్కొన్నారు. ఈ నేపథ్యంలో గుంటూరులోని నగరపాలెం పోలీస్ స్టేషన్‌లో అంబటి రాంబాబుపై కేసు నమోదు చేశారు.