ఈ బైక్ రోజువారీ సిటీ రైడింగ్‌తో పాటు వారాంతపు లాంగ్ రైడ్స్ ఎంజాయ్ చేసే యువత కోసం ప్రత్యేకంగా రూపొందించబడింది. సరికొత్త 350 సిసి లిక్విడ్-కూల్డ్ కటార్ ఇంజిన్‌తో నడిచే ఈ బైక్, అద్భుతమైన హ్యాండ్లింగ్ మరియు అధునాతన ఎర్గోనామిక్స్‌ను కలిగి ఉంది. దీని ఎక్స్-షోరూమ్ ధర (ఢిల్లీ) రూ.1,99,950 కాగా, డిజిటల్ యుగంలో ఆన్‌లైన్ ద్వారా బైక్ కొనుగోలు ప్రక్రియను మరింత సులభతరం చేస్తూ సంస్థ ఈ వినూత్న నిర్ణయం తీసుకుంది.

ఆకర్షణీయమైన ఆఫర్లు.. తిరుగులేని ఓనర్‌షిప్ హామీ

అమెజాన్ ప్రైమ్ డే సందర్భంగా ఈ బైక్‌ను బుక్ చేసుకునే కస్టమర్ల కోసం ఆకర్షణీయమైన ఫైనాన్స్ ప్రయోజనాలను ప్రకటించారు. నో కాస్ట్ ఈఎంఐ (No Cost EMI), క్రెడిట్ కార్డులపై రూ. 3,000 తక్షణ తగ్గింపు, అమెజాన్ పే ఐసిఐసిఐ బ్యాంక్ కార్డు ద్వారా 5% వరకు క్యాష్ బ్యాక్ మరియు వ్యాపారస్తుల కోసం 18% జీఎస్టీ ఇన్వాయిస్ ప్రయోజనాలను అందిస్తున్నారు. కస్టమర్లు అమెజాన్‌లో ఎక్స్-షోరూమ్ మొత్తాన్ని చెల్లించి బుక్ చేసుకున్న తర్వాత, స్థానిక అధీకృత డీలర్ ద్వారా మిగిలిన రిజిస్ట్రేషన్, ఇన్సూరెన్స్ ప్రక్రియను పూర్తి చేసి డెలివరీ పొందవచ్చు. దీనితో పాటు పరిశ్రమలోనే మొట్టమొదటిసారిగా 4 ఏళ్లు/50,000 కిలోమీటర్ల స్టాండర్డ్ వారెంటీ, 8 ఏళ్ల రోడ్‌సైడ్ అసిస్టెన్స్ వంటి తిరుగులేని ‘యాజమాన్య హామీ కార్యక్రమం’ (Ownership Assurance Program) ద్వారా దేశవ్యాప్తంగా ఉన్న 400కు పైగా డీలర్‌షిప్ నెట్‌వర్క్ లలో కస్టమర్లకు మెరుగైన సేవలందించేందుకు జావా యెజ్డి సిద్ధమైంది.

లాభాలతో ముగిసిన స్టాక్ మార్కెట్లు