Stock Market: నేడు భారతీయ షేర్ మార్కెట్లు అదిరిపోయే లాభాలను అందుకున్నాయి. అంతర్జాతీయ మార్కెట్ల నుంచి వచ్చిన సానుకూల సంకేతాలు మన సూచీలకు బలాన్ని ఇచ్చాయి.

ముఖ్యంగా అసెంబ్లీ ఎన్నికల ఫలితాల్లో బీజేపీ ఆధిక్యం దిశగా వెళ్లడం ఇన్వెస్టర్లలో కొత్త ఉత్సాహాన్ని నింపింది. ఈ సానుకూల వాతావరణం వల్ల మార్కెట్లు ఆరంభం నుంచి ముగింపు వరకు జోరును కొనసాగించాయి.

Read also: Iran-America War: హోర్ముజ్‌ను దాటి, విశాఖపట్నం వైపు పయనమవుతున్న భారత్ ఎల్‌పిజి ట్యాంకర్

Indian stock market index rising green

Stock Market: పెరిగిన సెన్సెక్స్ నిఫ్టీ సూచీలు

ట్రేడింగ్ ముగిసే సమయానికి సెన్సెక్స్ 355 పాయింట్లు పెరిగి 77,269 స్థాయిని తాకింది. నిఫ్టీ కూడా 121 పాయింట్ల లాభంతో 24,119 వద్ద స్థిరపడింది. అమెరికా – ఇరాన్ మధ్య గొడవలు తగ్గడం కూడా మార్కెట్లకు కలిసొచ్చిన అంశం. గ్లోబల్ మార్కెట్ల మద్దతు ఉండటంతో కొనుగోళ్లు భారీగా పెరిగి సూచీలు కళకళలాడాయి.

రూపాయి విలువలో రికార్డ్ పతనం

మరోవైపు డాలర్‌తో పోలిస్తే మన రూపాయి విలువ మరింత బలహీనపడింది. ముగింపు సమయానికి రూపాయి 95.08 వద్ద ఆల్‌టైమ్ కనిష్ఠ స్థాయికి పడిపోయింది. ఇది ఇన్వెస్టర్లకు కొంత ఆందోళన కలిగించే విషయమే అయినా మార్కెట్ లాభాల ముందు ఇది పెద్దగా ప్రభావం చూపలేదు. మార్కెట్ ఒడిదుడుకులను తట్టుకుని నిలబడటంతో ట్రేడర్లు ఊపిరి పీల్చుకున్నారు.