PM Modi On World Crisis : భారత్ మరియు బెల్జియం దేశాలు వాణిజ్యం, రక్షణ, క్రిటికల్ మినరల్స్, హరిత ఇంధనం, మరియు సాంకేతిక రంగాలలో ద్వైపాక్షిక సహకారాన్ని మరింత విస్తరించుకోవాలని నిర్ణయించాయి.
భారత ప్రధాని నరేంద్ర మోదీ, బెల్జియం ప్రధాని బార్ట్ డి వెవర్ ల మధ్య జరిగిన విస్తృత స్థాయి చర్చల అనంతరం ఇరు దేశాలు సంయుక్తంగా కీలక ప్రకటన చేశాయి. సంయుక్త మీడియా సమావేశంలో ప్రధాని మోదీ మాట్లాడుతూ, గత త్రైమాసికంలో భారత్ 7.8 శాతం వృద్ధి రేటును నమోదు చేసిందని తెలిపారు. ప్రస్తుత ప్రపంచ ఆర్థిక అనిశ్చితి, సవాళ్ల మధ్య భారత్ సాధిస్తున్న ఈ వేగవంతమైన పురోగతి అంతర్జాతీయ రంగానికి ఆత్మవిశ్వాసాన్ని నింపడమే కాకుండా కొత్త అవకాశాలను సృష్టిస్తోందని పేర్కొన్నారు.
PM Modi On World Crisis
PM Modi On World Crisis : రక్షణ మరియు సాంకేతిక రంగాల్లో బలపడుతున్న భాగస్వామ్యంరక్షణ రంగం
భారత్-బెల్జియం సహకారం సంప్రదాయ రంగాలను దాటి రక్షణ పరికరాల తయారీ వరకు విస్తరించిందని, ‘జొరావర్ ట్యాంక్’ వంటి ఆధునిక వ్యవస్థల విషయంలో కూడా భాగస్వామ్యం కొనసాగుతోందని ప్రధాని వెల్లడించారు.సెమీకండక్టర్లు: సెమీకండక్టర్ల రంగంలో బెల్జియం వద్ద ఉన్న సాంకేతిక నైపుణ్యం, భారత్ వద్ద ఉన్న విస్తృత స్థాయి తయారీ సామర్థ్యాలు పరస్పర ప్రయోజనకరంగా పనిచేస్తాయని తెలిపారు. గ్లోబల్ సప్లై చైన్, ఆహార, ఇంధన భద్రతలపై అంతర్జాతీయ ఘర్షణల ప్రభావం తీవ్రంగా ఉందన్నారు. ఉక్రెయిన్ లేదా పశ్చిమాసియా (మిడిల్ ఈస్ట్) ప్రాంతాల్లో కొనసాగుతున్న పోరాటాలకు వీలైనంత త్వరగా ముగింపు పలకాలనే అభిప్రాయాన్ని వ్యక్తం చేస్తూ, శాంతి చర్చలు మరియు దౌత్య మార్గాల ద్వారా సమస్యల పరిష్కారానికి జరిగే ప్రయత్నాలకు భారత్ ఎల్లప్పుడూ మద్దతు ఇస్తుందని ప్రధాని స్పష్టం చేశారు.
Read Also hindi news: hindi.vaartha.com