సరైన పద్ధతిలో వండితే వాసన రాకుండా అద్భుతమైన రుచితో తయారు చేసుకోవచ్చు. రెండు కిలోల బోటీతో పది మందికి సరిపోయేలా ఈ కూరను సులభంగా వండవచ్చు. అసలు స్మెల్ లేకుండా ఈ రెసిపీ ఎలా తయారు చేయాలో చూద్దాం.

Read also: Vijay Rashmika Marriage: పెళ్ళిలో వైరల్ అవుతున్న పోర్క్ కర్రీ స్పెషల్

How to cook delicious mutton boti curry

బోటీ శుభ్రం చేసి ఉడికించే విధానం

మొదటగా రెండు కిలోల బోటీని మీడియం సైజు ముక్కలుగా కట్ చేసుకోవాలి. స్టవ్ మీద గిన్నె పెట్టి పావు భాగం నీళ్లు పోసి కొద్దిగా కల్లుప్పు, పావు టీ స్పూన్ పసుపు వేయాలి. నీళ్లు వేడెక్కిన తర్వాత శుభ్రం చేసిన బోటీ వేసి హై ఫ్లేమ్ లో ఏడు నుంచి ఎనిమిది నిమిషాలు ఉడికించాలి. ఇలా చేయడం వల్ల బోటీలో ఉండే సహజమైన వాసన పూర్తిగా తొలగిపోతుంది. ఆ తర్వాత ఉడికిన బోటీని జాలి గరిటెతో వేరే ప్లేట్ లోకి తీసుకోవాలి.

Mutton boti curry:మసాలా పేస్ట్ తయారీ మరియు ప్రెషర్ కుక్కర్ లో వండే విధానం

కూరకు కావలసిన మసాలా కోసం మిక్సీ జార్ లో ఎనిమిది లవంగాలు, మూడు యాలకులు, దాల్చినచెక్క, రెండు బిర్యానీ ఆకులు వేయాలి. అలాగే సగం ఎండు కొబ్బరి ముక్కలు, రెండు టేబుల్ స్పూన్ల ధనియాలు, అర టీ స్పూన్ జీలకర్ర, అర టీ స్పూన్ సోంపు వేసి కొద్దిగా నీళ్లు పోసి మెత్తగా గ్రైండ్ చేసుకోవాలి. ఇప్పుడు ప్రెషర్ కుక్కర్ లో అర కప్పు నూనె పోసి వేడి చేయాలి. తరిగిన ఉల్లిపాయ ముక్కలు, పచ్చిమిరపకాయలు వేసి గోల్డెన్ బ్రౌన్ రంగు వచ్చే వరకు వేయించాలి. తరువాత అల్లం వెల్లుల్లి పేస్ట్ వేసి పచ్చి వాసన పోయేంత వరకు వేయించాలి. ఉడికించి పక్కన పెట్టుకున్న బోటీ ముక్కలు, తగినంత కల్లుప్పు, ఒక టీ స్పూన్ పసుపు వేసి ఐదు నిమిషాలు నూనెలో మగ్గనివ్వాలి.

టమోటా గుజ్జుతో కూర ఉడికించే తీరు

• మిక్సీ పట్టిన మూడు టమోటాల గుజ్జును కుక్కర్ లో వేయాలి.
• ముందుగా సిద్ధం చేసుకున్న మసాలా పేస్ట్ కూరలో కలపాలి.
• రెండు టేబుల్ స్పూన్ల కారం మరియు అర టీ స్పూన్ గరం మసాలా వేయాలి.
• మసాలాల పచ్చివాసన పోయేంత వరకు మూత పెట్టి ఉంచాలి.
• మసాలా జార్ లో లీటరున్నర నీళ్లు పోసి కుక్కర్ లో పోయాలి.
• తరిగిన కొత్తిమీర వేసి బాగా కలపాలి.
• కుక్కర్ మూత పెట్టి హై ఫ్లేమ్ లో ఎనిమిది విజిల్స్ రానివ్వాలి.
• ప్రెషర్ అంతా పోయిన తర్వాత మూత తీసి చూడాలి.

బోటీ మెత్తగా ఉడికి గుమగుమలాడే కూర సిద్ధమవుతుంది.

Epaper: epaper.vaartha.com

చేపల నీచు వాసన పోవాలా? అయితే ఈ చిన్న చిట్కాలు పాటించండి!