బ్రెయిన్‌డెడ్ అయిన వ్యక్తుల అవయవాలను దానం చేసేందుకు ముందుకు వచ్చే కుటుంబాలకు ప్రస్తుతం ఇస్తున్న రూ.10 వేల ఆర్థిక సాయాన్ని రూ.లక్షకు పెంచుతున్నట్లు రాష్ట్ర వైద్య, ఆరోగ్య శాఖ మంత్రి సత్యకుమార్ ప్రకటించారు. ఆంధ్రప్రదేశ్ అసెంబ్లీలో ‘మానవ అవయవాల మార్పిడి (సవరణ) బిల్లు’ను ప్రవేశపెట్టిన సందర్భంలో ఆయన ఈ వివరాలను వెల్లడించారు. ఈ ప్రతిపాదనలను ముఖ్యమంత్రి పరిశీలనకు పంపినట్లు ఆయన తెలిపారు.

Read Also: YS Jagan: లోకేష్ రాజీనామా చేయాల్సిందే: జగన్ సంచలన వ్యాఖ్యలు

Rs. 1 lakh financial aid for organ donor’s family… Minister’s key announcement.

AP Organ Donation Bill: ప్రభుత్వ లాంఛనాలతో అంత్యక్రియలు

అవయవ దానంపై సమాజంలో ఉన్న మూఢనమ్మకాలను పారద్రోలి, ప్రజలలో విస్తృత అవగాహన కల్పించడమే లక్ష్యంగా ప్రభుత్వం కొత్త మార్గదర్శకాలను రూపొందిస్తోంది. అవయవ దానం చేసిన దాతల పార్థీవ దేహానికి ప్రభుత్వ అధికారిక లాంఛనాలతో అంత్యక్రియలు నిర్వహిస్తారు. అవయవ దానం చేసిన కుటుంబంలో ఒకరికి కాంట్రాక్ట్ ఉద్యోగం కల్పించే అంశాన్ని పరిశీలించాలని పలువురు ఎమ్మెల్యేలు కోరగా, దానిపై కూడా సానుకూల చర్చ జరిగింది. ప్రతి నియోజకవర్గంలో ఎమ్మెల్యేలు చొరవ తీసుకుని ప్రజలను అవయవ దానం వైపు ప్రోత్సహించాలని మంత్రి విజ్ఞప్తి చేశారు.

నూతన చట్ట సవరణలు, వసతుల పెంపు

అవయవ మార్పిడి ప్రక్రియలో పారదర్శకతను పెంచేందుకు మరియు అక్రమ రవాణాను అరికట్టేందుకు 1995 నాటి చట్టాన్ని సవరిస్తూ అసెంబ్లీలో బిల్లును ఆమోదించారు. ఆర్డినెన్స్ స్థానంలో ప్రవేశపెట్టిన ఈ కొత్త బిల్లులో పలు కీలక మార్పులు చేశారు. దానం ఇచ్చే సమయంలో దగ్గరి బంధువుల పరిధిని స్పష్టం చేయడంతో పాటు, ప్రక్రియను వేగంగా సమన్వయం చేసేందుకు ప్రత్యేక కోఆర్డినేటర్లను నియమిస్తారు. దాత, గ్రహీతలకు అవయవాలు పరస్పరం సరిపడేలా ఉండే ‘స్వాప్’ పద్ధతికి చట్టబద్ధమైన అవకాశం కల్పించారు. రాష్ట్రంలో గతంలో 3గా ఉన్న అవయవ మార్పిడి కేంద్రాల సంఖ్యను 9కి పెంచారు. ప్రస్తుతం ‘జీవన్‌దాన్’ పోర్టల్‌లో రాష్ట్రవ్యాప్తంగా 5,000 మందికి పైగా బాధితులు కిడ్నీ, లివర్, గుండె వంటి అవయవాల కోసం నిరీక్షిస్తున్నారు. ప్రభుత్వ తాజా నిర్ణయాలు వారి జీవితాల్లో కొత్త వెలుగులు నింపుతాయని భావిస్తున్నారు.

Epaper: epaper.vaartha.com

త్వరలోనే 16వ ఆర్థిక సంఘం నిధులు విడుదల