Gold Price Down : అమెరికా ఫెడరల్ రిజర్వ్ వడ్డీ రేట్లను పెంచవచ్చనే సంకేతాలు వెలువడటమే పసిడి ధరలు క్షీణించడానికి ప్రధాన కారణమని మార్కెట్ నిపుణులు విశ్లేషిస్తున్నారు.
ఇటీవల ఫెడ్ ఛైర్మన్ కెవిన్ వాష్ భవిష్యత్తులో వడ్డీ రేట్ల పెంపుపై పరోక్ష సూచనలు చేశారు. సాధారణంగా అమెరికాలో వడ్డీ రేట్లు పెరిగితే, ఎలాంటి స్థిరమైన వడ్డీ ఆదాయం ఇవ్వని బంగారం (Non-yielding asset) కంటే క్రమం తప్పకుండా వడ్డీ ఆదాయాన్ని ఇచ్చే బాండ్లు, ఇతర డిపాజిట్ల వైపు ఇన్వెస్టర్లు మళ్లుతారు. దీనివల్ల అంతర్జాతీయ మార్కెట్లో పసిడికి డిమాండ్ తగ్గి ధరల ఉపశమనానికి దారితీసింది.
లాభాల స్వీకరణ - మార్కెట్ ముందస్తు వ్యూహాలు
గత ఆగస్టు నెలలో బంగారం ధరలు స్వల్పంగా పుంజుకోవడంతో, ఇన్వెస్టర్లు ముందుజాగ్రత్త చర్యగా తమ లాభాలను స్వీకరించడం (Profit Booking) ప్రారంభించారు. రేట్లు మరింత తగ్గే ప్రమాదం ఉందన్న ఆందోళనతో ముందస్తుగానే పసిడి హోల్డింగ్స్ను విక్రయించి నగదుగా మార్చుకునేందుకు మొగ్గు చూపారు. దీనికి తోడు అమెరికా డాలర్ విలువ బలోపేతం కావడం కూడా బంగారంపై అదనపు ఒత్తిడిని పెంచింది. వడ్డీ రేట్ల పెంపు భయాలు ఉన్నంత కాలం పసిడి మార్కెట్లో ఇదే విధమైన హెచ్చుతగ్గులు కొనసాగే అవకాశం ఉందని నిపుణులు భావిస్తున్నారు.