ఉప్పెన సక్సెస్ తర్వాత వరుస అవకాశాలు ఆమె తలుపుతట్టాయి. స్టార్ హీరోల సరసన నటించే ఛాన్స్‌లు కూడా దక్కాయి. అయితే ఎంత వేగంగా క్రేజ్‌ను సంపాదించుకుందో, అంతే వేగంగా ఆమె కెరీర్ డౌన్‌ఫాల్‌లోకి వెళ్లిపోయింది.

కొత్త ఊపు తీసుకురావాలనే ఉద్దేశంతో :

వరుసగా చేసిన సినిమాలు ఆశించిన ఫలితాలను ఇవ్వకపోవడంతో కృతి శెట్టికి తెలుగులో అవకాశాలు తగ్గిపోయాయి. దీంతో తన కెరీర్‌కు కొత్త ఊపు తీసుకురావాలనే ఉద్దేశంతో తమిళ సినీ పరిశ్రమపై దృష్టి పెట్టింది. అక్కడ మంచి కథలు, విభిన్నమైన పాత్రలతో మళ్లీ తన ప్రతిభను నిరూపించుకోవాలని ప్రయత్నిస్తోంది. కానీ కోలీవుడ్‌లో కూడా ఆమె ప్రయాణం ఆశించినంత వేగంగా సాగడం లేదు.

ఇటీవల యువ హీరో ప్రదీప్ రంగనాథ్‌తో కలిసి L.I.K సినిమాలో నటించిన కృతి శెట్టి మంచి విజయాన్ని ఆశించింది. ఈ కాంబినేషన్‌పై ప్రేక్షకుల్లో ఆసక్తి ఉన్నప్పటికీ, సినిమా బాక్సాఫీస్ వద్ద పెద్దగా ప్రభావం చూపలేకపోయింది. దీంతో మరోసారి ఆమెకు నిరాశే ఎదురైంది. ప్రస్తుతం కృతి శెట్టి తన ఆశలన్నీ జినీ సినిమాపైనే పెట్టుకుంది. ఈ చిత్రం ఆమె కెరీర్‌కు టర్నింగ్ పాయింట్ అవుతుందనే నమ్మకంతో ఉంది. మంచి కథ, బలమైన పాత్రతో ప్రేక్షకులను ఆకట్టుకుంటే మళ్లీ అవకాశాలు పెరిగే అవకాశం ఉందని సినీ వర్గాలు భావిస్తున్నాయి.

తెలుగులో ఒకప్పుడు వరుస ఆఫర్లతో బిజీగా ఉన్న బేబమ్మ మళ్లీ అదే స్థాయిలో రాణించాలని ఆమె అభిమానులు కోరుకుంటున్నారు. సరైన కథలు, మంచి పాత్రలు దొరికితే కృతి శెట్టి మరోసారి టాలీవుడ్‌లో తన స్థానాన్ని తిరిగి సంపాదించడం అసాధ్యం కాదని వారు విశ్వసిస్తున్నారు. ఇప్పుడు అందరి దృష్టి జినీ ఫలితంపైనే ఉంది. ఈ సినిమా కృతికి నిజంగానే గుడ్ డేస్ తీసుకొస్తుందా లేదా అనేది చూడాలి.

హరీష్ శంకర్ హీరో వేట.. నెక్స్ట్ మూవీ ఎవరితో..?