Bellampalli development: తెలంగాణ రాష్ట్ర ఫైనాన్స్ కమిషన్ చైర్మన్ సిరిసిల్ల రాజయ్య ను సోమవారం రోజున హైదరాబాద్‌లోని వారి అధికారిక కార్యాలయంలో బెల్లంపల్లికి చెందిన న్యాయవాది మాదరి రాకేష్ మర్యాదపూర్వకంగా కలిశారు.

ఈ సందర్భంగా ఆయనను శాలువాతో సన్మానించి గౌరవం తెలిపారు. అనంతరం బెల్లంపల్లి మున్సిపాలిటీ పరిధిలో నెలకొన్న పలు కీలక సమస్యలను చైర్మన్ దృష్టికి తీసుకెళ్లారు. ముఖ్యంగా పట్టణంలో మౌలిక సదుపాయాల కొరత, డ్రైనేజీ వ్యవస్థలో లోపాలు, రహదారుల దుస్థితి, తాగునీటి సమస్యలు, పారిశుధ్య లోపాలు వంటి అంశాలను వివరంగా తెలియజేశారు. అదేవిధంగా మున్సిపాలిటీలో చోటుచేసుకుంటున్న అవినీతి ఆరోపణలను కూడా ప్రస్తావిస్తూ, వాటిపై సమగ్ర విచారణ జరిపి బాధ్యులపై కఠిన చర్యలు తీసుకోవాలని కోరారు.

Read Also : Bandi Bhagirath's Case: బండి భగీరథ్​ పై దర్యాప్తు ముమ్మరం..స్నేహితులను విచారించిన పోలీసులు

Bellampalli development: అభివృద్ధికి ప్రత్యేక ఫండ్స్ అత్యవసరం

బెల్లంపల్లి పట్టణం అభివృద్ధి దిశగా మరింత వేగంగా ముందుకు సాగాలంటే ప్రత్యేక నిధులు అత్యవసరమని మాదరి రాకేష్ వివరించారు. ఈ నేపథ్యంలో మున్సిపాలిటీకి ప్రత్యేక ఫండ్ కేటాయించాలని, పట్టణ అభివృద్ధికి అవసరమైన ప్రాజెక్టులకు ఆర్థిక సహాయం అందించాలని విజ్ఞప్తి చేశారు. ఇందుకు సంబంధించిన వినతి పత్రాన్ని చైర్మన్‌ కు సమర్పించారు. అలాగే బెల్లంపల్లి పట్టణం సామాజిక, ఆర్థిక పరంగా అభివృద్ధి చెందేందుకు ప్రభుత్వ స్థాయిలో ప్రత్యేక దృష్టి అవసరమని పేర్కొన్నారు. ముఖ్యంగా పేద ప్రజలకు మౌలిక వసతులు అందించడంలో ప్రభుత్వం చురుకైన చర్యలు తీసుకోవాలని సూచించారు.