చెన్నైలోని ఆయన నివాసంలో ఉంచిన భాగ్యరాజ్ పార్థివదేహాన్ని సందర్శించేందుకు రాజకీయ, సినీ ప్రముఖులు పెద్ద ఎత్తున తరలివస్తున్నారు. భాగ్యరాజ్ గారి మరణవార్త విన్న తమిళనాడు ముఖ్యమంత్రి విజయ్ తీవ్ర దిగ్భ్రాంతి వ్యక్తం చేశారు. చెన్నైలోని భాగ్యరాజ్ నివాసానికి నేరుగా వెళ్లిన సీఎం విజయ్.. ఆయన పార్థివదేహానికి పూలమాల వేసి ఘనంగా నివాళులర్పించారు. అనంతరం భాగ్యరాజ్ కుటుంబ సభ్యులను (పూర్ణిమ, శాంతను) పరామర్శించి, వారికి తన ప్రగాఢ సానుభూతిని తెలియజేశారు.

Read also: K Bhagyaraj Death:తమిళ దర్శకుడు భాగ్యరాజ్ మృతి పట్ల చిరంజీవి దిగ్భ్రాంతి

CM Vijay pays tribute to Bhagyaraj’s mortal remains.

CM Vijay tribute to K Bhagyaraj: కన్నీటి పర్యంతమైన సూపర్ స్టార్ రజినీకాంత్

భాగ్యరాజ్ గారికి అత్యంత ఆప్తమిత్రుడైన సూపర్ స్టార్ రజినీకాంత్ ఆయన నివాసానికి చేరుకుని అంజలి ఘటించారు. భాగ్యరాజ్ పార్థివదేహానికి పూలమాల వేసి నివాళులర్పించిన రజినీకాంత్ తీవ్ర భావోద్వేగానికి లోనయ్యారు. భారతీయ సినిమా ఒక అద్భుతమైన మేధావిని, స్క్రీన్‌ప్లే మాస్టర్‌ను కోల్పోయిందని ఆయన ఆవేదన వ్యక్తం చేశారు. లెజెండరీ ఫిల్మ్ మేకర్ భాగ్యరాజ్ గారి మృతికి నివాళిగా తమిళ చిత్ర పరిశ్రమ (కోలీవుడ్) కీలక నిర్ణయం తీసుకుంది. ఆదివారం (రేపు) తమిళనాడు వ్యాప్తంగా అన్ని రకాల సినిమా షూటింగ్‌లను రద్దు చేస్తున్నట్లు అధికారికంగా ప్రకటించింది. రేపు (ఆదివారం) జరిగే ఆయన అంత్యక్రియలకు యావత్ చిత్ర పరిశ్రమకు చెందిన నటీనటులు, దర్శకులు, నిర్మాతలు మరియు సాంకేతిక నిపుణులు పెద్ద ఎత్తున హాజరుకానున్నట్లు కోలీవుడ్ వర్గాలు వెల్లడించాయి.

Read hindi news : hindi.vaartha.com

భాగ్యరాజ్ మృతిపై వెంకటేష్ భావోద్వేగ పోస్ట్!